ބޮޑު މަރާމާތަކަށް ފަހު، މާފުށިވަރު މޯލްޑިވްސް ރިސޯޓު ޖުލައި މަހު ހުޅުވާނެ ކަމަށް ބުނެފި އެވެ.
ޓޫރިޒަމް ހަބަރު ގެނެސްދޭ ޓީޓީއެމްގައިވާ ގޮތުން އެލްޓީއައި މާފުށިވަރު ރިސޯޓުގެ ނަމުގައި ޖުލައި އެއްވަނަ ދުވަހު މި ރިސޯޓު ހުޅުވާއިރު ވަނީ ބޮޑު ބަދަލުތަކެއް ގެނެސްފަ އެވެ.
ވެލާނާ އިންޓަނޭޝަނަލް އެއާޕޯޓް (ވީއައިއޭ) އިން ފުރައިގެން 25 މިނެޓުން ދޭ ރާސްތާގައި ތަރައްގީ ކުރާ، މާފުށިވަރު ރިސޯޓު ކުރިން ހުޅުވަން ޕްލޭން ކޮށްފައި އޮތީ މާޗް މަހު އެވެ. ނަމަވެސް ހުޅުވުން ލަސްވެ މިހާރު ހުޅުވަން ތައްޔާރު ކޮވިޑް-19 އަށްފަހު އަލުން ރާއްޖޭގެ ޓޫރިޒަމް ހުޅުވާލަން ތައްޔާރު ވަމުންދާ ޖުލައި މަހު އެވެ.
މާފުށިވަރު އަލުން ހުޅުވާއިރު، ރަށުގެ އިމާރާތްތަކާއި މުހިންމު ތަންތަނުގެ ފަރުމާ އަށް ވަނީ ބޮޑު ބަދަލެއް ގެނެސްފަ އެވެ.
ޖަރުމަނުގެ ޑާ ޓުއަރިސްޓިކް ބްރޭންޑުގެ ދަށުން ހުޅުވާ މާފުށިވަރު އަލުން ހުޅުވާއިރު މި 81 ވިލާ ހުންނާނެ އެވެ. އަދި ފަސް ކެޓަގަރީގެ ކޮޓަރި ހުންނާނެ އެވެ. ރިސޯޓުގައި ބީޗް ވިލާ އާއި ޕޫލް ވިލާގެ އިތުރުން ރަށުގެ ފަރުމަތީގެ ރީތި މަންޒަރުތައް ފެންނަ ވިލާ ތަކެއް ވެސް ހުންނާނެ އެވެ.
ރާއްޖޭގެ ޓޫރިޒަމް އަލުން ހުޅުވާލަން ތައްޔާރުވަމުންދާއިރު، މާޗް މަހުގެ ނިޔަލަށް ރާއްޖޭގައި 150 ރިސޯޓެއް ހިންގަމުންދިޔަ އެވެ. ނަމަވެސް ކޮވިޑް-19 އާ ގުޅިގެން ޓޫރިޒަމް މިހާރު ވަނީ ހުއްޓިފަ އެވެ.