މިއަދުގެ މިހާތަނަށް ކޮވިޑް-19 އަށް ޕޮޒިޓިވްވެފައި ވަނީ ހަ މީހުން ކަމަށާ 15 މީހަކު މިއަދު ބަލިން ރަނގަޅުވެފައިވާ ކަމަށް އެޗްޕީއޭއިން ބުނެފި އެވެ.
އެޗްޕީއޭއިން ބުނީ މިދިޔަ 24 ގަޑިއިރު ކުރި ޓެސްޓް ކުރެވިފައިވަނީ 709 ސާމްޕަލް ކަމަށެވެ. ޕޮޒިޓިވްވީ ހަ ސާމްޕަލް ކަމަށެވެ. އެއީ ތިން ދިވެހިންނާއި ބަންގްލަދޭޝްގެ ތިން މީހުންނެވެ.
މިއަދު ޕޮޒިޓިވްވި މީހުންނާއެކު ރާއްޖޭގެ އަދަދު ވަނީ 2,283 އަށް އަރާފަ އެވެ. މިއަދު ކޮވިޑް ބަލިން ރަނގަޅުވީ 15 މީހުންނެވެ. މިހާތަނަށް ރާއްޖެއިން ރަނގަޅުވީ މީހުންގެ އަދަދަކީ 1،863 މީހުންނެވެ. މިވަގުތު ފަރުވާގައި ތިބީ 407 މީހުންނެވެ.
ކޮވިޑަށް 46،891 މީހުން ޓެސްޓް ކޮށްފައިވާއިރު މިހާތަނަށް މި ބަލީގައި އަށް މީހަކު ވަނީ މަރުވެފަ އެވެ.
މި ވަގުތު ކޮވިޑް އައިސޮލޭޝަންގައި ތިބީ 312 މީހުންނެވެ. ކަރަންޓީންގައި ތިބީ 219 މީހުނެވެ.