ރާއްޖޭގައި ކޮވިޑް-19 ޖެހިގެން ފަރުވާ ދެމުން އައި އިތުރު މީހަކު މަރުވެއްޖެ އެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ދާދި ދެންމެ އަކު ބުނީ މިއަދު މެނދުރު ފަހު 1:00 ޖަހާއިރު 70 އަހަރުގެ ދިވެހި އަންހެނަކު އައިޖީއެމްއެޗަށް ގެންދިޔަ އިރުވެސް މަރުވެފައިވާ ކަމަށާއި އެ މީހާ ކޮވިޑް-19 އަށް ޕޮޒިޓިވްވެފައިވާ ކަމަށެވެ.
މިއީ މި ބަލީގައި ރާއްޖެއިން މިހާތަނަށް މަރުވި 13 ވަނަ މީހާ އެވެ.
ކޮވިޑް-19 ބަލި މާލޭގައި މިހާރު ވަނީ ވަރަށް ބޮޑަށް ކޮންޓްލޯކުރެވިފަ އެވެ. ކޭސްތައް ފެންނަ މިންވަރު މަދުވެފައިވާއިރު މިހާރު ސަރުކާރުން ވަނީ މާލޭގެ ލޮކްޑައުންއަށް ވެސް ބޮޑު ލުއި ތަކެއް ވެސް ދީފަ އެވެ.