ހަބަރު

މި ހަފުތާ ސަރުކާރު ބަންދުކޮށްފި

Aug 3, 2020

މި ހަފްތާ ސަރުކާރު ބަންދު ހަފްތާއެއްގެ ގޮތުގައި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް ކަނޑައަޅުއްވައިފި އެވެ.

ރައީސް އޮފީހުން މިއަދު ބުނީ ކޮވިޑް-19 ފެތުރުން ކޮންޓްރޯލް ކުރުމަށްޓަކައި އޮގަސްޓު މަހުގެ ހަތަރު ވަނަ ދުވަހުން ފެށިގެން ހަ ވަނަ ދުވަހުގެ ނިޔަލަށް ސަރުކާރުގެ އޮފީސްތައް ނުހުޅުވާގޮތަށް ހަމަޖައްސާފައިވާ ކަމަށެވެ. އަދި މި މުއްދަތުގެ ތެރޭގައި ގޭގައި ތިބެގެން ކުރެއްވެން ހުރި މަސައްކަތްތައް، ގޭގައި ތިބެގެން ކުރަމުން ގެންދިއުމަށް ވަނީ އަންގާފައެވެ.

މީގެ އިތުރުން ސަރުކާރުގެ އިދާރާތަކުން އޮންލައިންކޮށް ދެވެން ހުރި ހުރިހައި ހިދުމަތްތަކެއް އޮންލައިންކޮށް ދިނުމަށްވެސް ވަނީ އަންގާފައެވެ.

ކޮވިޑްގެ ބަލިމަޑުކަމާއި ގުޅިގެން މީގެ ކުރިންވެސް ދިގު މުއްދަތަކަށް ސަރުކާރު ބަންދުުކުރިއެވެ. ސަރުކާރުގެ މަސައްކަތްތައް ރަސްމީކޮށް ފަށައިގެންފައިވަނީ ޖޫން މަހުގެ ފަހުކޮޅުއެވެ.