ސުޕްރީމް ކޯޓުގައި ހުރި ބާވެ މުޅީން ހަލާކުވެފައިވާ 130 އަށްވުރެ ގިނަ ތަކެތި ހިމެނޭ ގޮތަށް މުދާތަކެއް ނީލަމުގައި ވިއްކާލަން އިއުލާނު ކޮށްފި އެވެ.
ސުޕްރީމް ކޯޓުން ކޮށްފައިވާ އިއުލާނެއްގައި ބުނި ގޮތުގައި މި ތަކެތި ނީލަމުން ނަގަން ބޭނުންވާ ފަރާތްތަކުން، މިމަހުގެ 24 ވަނަ ދުވަހުގެ ސުޕްރީމް ކޯޓަށް ގޮސް އެ ނީލަމުގައި ބައިވެރިވެވޭނެ ކަމަށެވެ.
ނީލަން ކިޔަން އިއުލާނުކޮށްފައިވާ ބާވަތްތަކުގެ ތެރޭގައި ގިނައީ އޮފީސް ބޭނުން ތަކަށް ބޭނުން ކޮށްފައިވާ ތަކެއްޗެވެ. މި ތަކެތީގެ ތެރޭގައި 134 އައިޓަމެއް ހިމެނެ އެވެ. އޭގެތެރޭ ސްކޭނަރާއި ޕްރިންޓަރާއި ކޮމްޕިއުޓަރާއި ސީޕީޔޫ އާއި މޮނީޓަރު ތަކެއްޗާއި އާލާތް ހިމެނެ އެވެ.
ނީލަމަށްލި މި ހުރިހާ ތަކެއްޗާއި މުދަލަކީ ވެސް ހަލާކުވެފައިވާ އެއްޗެހި ކަމަށް އެ ކޯޓުން ނެރުނު ތަކެތީގެ ލިސްޓުގައި ބުނެ އެވެ.