މާލޭގައި ހިންގާ ބައެއް ކޯޓުތައް މިއަދުން ފެށިގެން ޗުއްޓީއަށް ހިނގައްޖެ އެވެ.
ޗުއްޓީއަށް ދިޔައީ ސުޕްރީމް ކޯޓާއި ހައިކޯޓުގެ އިތުރުން ސިވިލް ކޯޓެވެ.
ސުޕްރީމް ކޯޓު ޗުއްޓީއަށް ދިޔައީ މިއަދުން ފެށިގެން ކުރިއަށް އޮތް ޖެނުއަރީ އެއްވަނަ ދުވަހުގެ ނިޔަލަށެވެ.
ހައިކޯޓު ޗުއްޓީއަށް ދިޔައީ މިއަދުން ފެށިގެން މިމަހުގެ 31 ވަނަ ދުވަހުގެ ނިޔަލަށެވެ.
ސިވިލް ކޯޓު ޗުއްޓީއަށް ދިޔައީ މިއަދުން ފެށިގެން މިމަހުގެ 20 ވަނަ ދުވަހުގެ ނިޔަލަށެވެ.
ކޯޓުތައް ޗުއްޓީއަށް ދިއުމުން އާންމުކޮށް ހިނގާ ޝަރީއަތްތައް ކުރިއަކަށް ނުދާނެ އެވެ. އެކަމަކު ކޯޓުތަކުގެ އިދާރީ މަސައްކަތްތައް ކުރިއަށްދާނެ އެވެ.
މާލޭގައި ހިންގާ ކޯޓުތަކުގެ ތެރެއިން އެންމެ ގިނަ މައްސަލަތައް ހުރި ކްރިމިނަލް ކޯޓުން ޗުއްޓީއަށް ދިއުމާ މެދު އަދި ވަކި އެއްޗެއް ނުބުނެ އެވެ.