ސަރުކާރުގެ ފެން ކުންފުނި، އެމްޑަބްލިއުއެސްސީގެ ކަސްޓަމަރުންނަށް އަމާޒު ކޮށްގެން ކުރިއަށްގެންދާ "1ހާސް1ހާސް" ޕްރޮމޯޝަންގައި ފުރަތަމަ ދެ ހަފުތާގެ ނަސީބުވެރިން ހޮވައިފި އެވެ.
މި ޕްރޮމޯޝަން ފެށީ މި މަހުގެ އެއްވަނަ ދުވަހު އެވެ. އަންނަ މަހުގެ ނިޔަލަށް އޮންނާނެ މި ޕްރޮމޯޝަނުގައި ކޮންމެ ހަފުތާއަކު ވެސް 10 ނަސީބުވެރިޔަކު ފާހަގަކޮށް އިނާމު ދޭނެ އެވެ. އަދި އެ މުއްދަތުގައި ކަސްޓަމަރުންގެ ތެރެއިން ހުރިހާ ފެންބިލަކަށް ފައިސާ ދައްކާ ފަރާތްތަކާއި ވަކި މަސްތަކަށް ބަހާލައިގެން ބިލަށް ފައިސާ ދައްކަމުންގެންދާ ފަރާތްތަކަށް ޕްރޮމޯޝަންގައި ބައިވެރިވެވެ އެވެ.
މާލެ، ހުޅުމާލެ އަދި ވިލިމާލޭގެ އިތުރުން އެމްޑަބްލިއުއެސްސީއިން ހިދުމަތްދޭ މާފުއްޓާއި ރ. ދުވާފަރު އަދި ހދ. ކުޅުދުއްފުށީގެ ކަސްޓަމަރުންނަށް ވެސް މި ޕްރޮމޯޝަނުގައި ބައިވެރިވެވޭނެ އެވެ،