ދިވެހިރާއްޖެ ސިއްހީ ކުއްލި ނުރައްކަލުގެ ހާލަތުގައި
NUMBER OF CASES
މޯލްޑިވްސް ޕޮލިސް ސާވިސް

50 ޕަސެންޓް ފުލުހުން ވެކްސިން ޖަހައިފި

ފުލުސް އިދާރާގައި މަސައްކަތް ކުރާ 50 ޕަސެންޓް ފުލުހުންނަށް ކޮވިޑް-19 އިގެ ވެކްސިން ދީފި އެވެ.

ފުލުހުން މިއަދު ބުނީ އެ މުއައްސަސާގައި ހިމެނޭ ފުލުހުންގެ 50 ޕަސެންޓަށް ކޮވިޑް ވެކްސިންގެ ފުރަތަމަ ޑޯޒް މިހާރު ދީފައިވާ ކަމަށެވެ. އޭގެ ތެރެއިން އިއްޔެގެ ނިޔަލަށް މާލެ ސަރަހައްދުގައި މަސައްކަތްކުރާ 1676 ފުލުހަކަށް ވެކްސިން ޖަހައިފައިވާ ކަމަށެވެ.

ޕޮލިސް މެޑިކަލްގެ ބެލުމުގެ ދަށުން މިހާރު ވެސް އެ އިދާރާގެ މުވައްޒަފުންނަށް ވެކްސިން ދިނުމުގެ މަސައްކަތް ކުރިއަށްދެ އެވެ. އަދި މިހާތަނަށް ވެކްސިން ނުޖަހައިގެން އެއްވެސް ފުލުހަކާމެދު ފިޔަވަޅެއް އަޅާފައެއް ނުވެ އެވެ.

ރާއްޖޭގައި ޖަހަނީ އެސްޓްރެޒެނިކާ-އޮކްސްފޯޑްގެ ވެކްސިން ކޮވިޝީލްޑެވެ.