ހުޅުމާލެ ނެއިބަހުޑްތަކުގައި ޕާކެއް ހިމެނޭ ގޮތަށް އިމާރާތް ކުރަން ނިންމާފައިވާ ހެދިކާ ޓެންޓު މަޝްރޫއު ނިމުމުން ހުުޅުމާލޭގައި ހެދިކާ ވިއްކުމަށް ރަޖިސްޓްރީ ކުރާ މީހުންނަށް ހެދިކާ ވިއްކުމުގެ އިންތިޒާމު ހަމަޖެހިގެންދާނެ ކަމަށް ހުޅުމާލެ ބަލަހައްޓާ އެޗްޑީސީ އިން ބުނެފި އެވެ.
އެޗްޑީސީން މިއަދު ބުނީ ހުޅުމާލެ ނެއިބަހުޑް 1، 2 އަދި 3 ގައި ޕާކެއް ހިމެނޭ ގޮތަށް ހެދިކާ ޓެންޓުތަކެއް ހަދަން ނިންމާފައިވާ ކަމަށެވެ. މި މަސައްކަތް ނިންމުމުން ހުުޅުމާލޭގައި ހެދިކާ ވިއްކުމަށް ރަޖިސްޓްރީ ކުރާ މީހުންނަށް އެ ތަންތަނުން ފުރުސަތު ދޭނެ ކަމަށެވެ.
އެޗްޑީސީން ވަނީ އެ ޕާކު ހުންނާނެ ގޮތުގެ ކުރެހުންތަކެއްވެސް މިއަދު އާންމުކޮށްފައެވެ.
ހުޅުމާލޭގައި ހެދިކާ ވިއްކާ މީހުންނަށް ހާއްސަކޮށްގެން މިހާރުވެސް ޓެންޓްތަކެއް ހަދާފައިވެއެވެ. ނަމަވެސް ޕާކު މަަސައްކަތް ނިމުމުން އެ ޓެންޓްތައް ނަގާނެ އެވެ.