ކޮވިޑް-19 ބަލީގައި އިތުރު މީހަކު މިއަދު ރާއްޖެއިން މަރު ވެއްޖެ އެވެ.
ކޮވިޑް ޖެހިގެން މިއަދު ރާއްޖެއިން މަރުވެފައި ވަނީ އުމުރުން 77 އަހަރުގެ ދިވެހި ފިރިހިނެކެވެ. އެ މީހާ މަރުވެފައި ވަނީ މިއަދު 9:50 އެހާކަންހާއިރު ހުޅުމާލެ މެޑިކަލް ފެސިލިޓީގައި ފަރުވާ ހޯދަމުން ދަނިކޮށެވެ.
މިއަދު ދެވަނަ މީހަކު ވެސް ވަނީ ބަލިޖެހެގެން މަރުވެފަ އެވެ. 94 އަހަރުގެ މީހަކު މަރުވެފައި ވަނީ މިއަދު 10:31 ހާއިރު އެވެ. އެއީ ވެސް ހުޅުމާލެ ފެސިލިޓީގައި ފަރުވާ ހޯދަމުން ދިޔަ މީހެކެވެ.
މިއަދުގެ މި ދެ މަރާއެކު ރާއްޖެއިން ކޮވިޑްގައި މަރުވި މީހުންގެ އަދަދު ވަނީ 191 އަށް އަރާފަ އެވެ.