މޯލްޑިވްސް ޕޯސްޓް ލިމިޓެޑް

ކޮންޓެއިނަރެއްގެ މަތިން ވެއްޓި އަނިޔާވެއްޖެ

ކޮންޓެއިނަރެއްގެ މަތިން ވެއްޓި އެމްޕީއެލްގެ މުވައްޒިފަކަށް އަނިޔާވެއްޖެ އެވެ.

މި ހާދިސާ ހިނގާފައިވަނީ މިރޭ 9:30 ހާއިރު އެވެ.

އެމްޕީއެލްގެ އޮފިޝަލަކު ވިދާޅުވީ އޭނާ ކޮންޓެއިނަރު ސްޕްރެޑަރު އަޅުވަން އުޅެނިކޮށް ބޯޓު ރޯލު ކުރުމުން ސްޕްރެޑާ އޭނާ ގައިގައި ޖެހި ކަހާލައި ތިރީގައި ހުރި ކޮންޓެއިނަރު މައްޗަށް ވެއްޓިިިފައިވާ ކަމަަށެވެ. އޭނާގެ ކަނާއަތު އޮޅަބޮޅި ވަނީ ނެއްޓިިފައެވެ. މިހާރު ހޮސްޕިޓަލުގައި ދަނީ ފަރުވާ ދެމުންނެވެ.

އޮފިޝަލް ވިދާޅުވީ ހާދިސާ ހިނގި އިރުގައިވެސް މުވައްޒަފު ހުރީ އެމްޕީއެލް ބަނދަރު ސަރަހައްދުގައި އުޅެންޖެހޭ ސޭފްޓި ކަންތައްތައް ފުރިހަމަކޮށްފައިވާ ކަމަށެވެ. އަދި މިހާރު ދަނީ ބޮލަށް އެއްވެސް ގެއްލުމެއް ވެފައިވޭތޯ ބެލުމަށް ސީޓީ ސްކޭނެއް ހަދަމުންދާ ކަމަަށެވެ.