ނިޝާން ޢިއްޒުއްދީނުގެ ޢިއްޒަތުގެ ވެރިޔާ ޢަބްދުﷲ ޙަމީދު ދެމިއޮތުމުގެ ޢާލަމަށް ދަތުރުކުރެއްވުމުގެ ހިތާމައިގައި ބޭއްވުނު ތައުބީނުގެ ޖަލްސާގައި، ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް ބައިވެރިވެވަޑައިގެންފިއެވެ.
ޖަލްސާ ބާއްވާފައިވަނީ ރޭ ދަރުބާރުގޭގައެވެ.
ރޭގެ ޖަލްސާގައި، ޙަމީދުގެ ހަނދާނުގައި ދިވެހިބަހުގެ އެކެޑަމީން ތައްޔާރުކުރި "ޙަމީދުގެ ތަޤްރީރުތައް 1" ސީޑީއާއި، ފަތްތޫރައިގެ ޚާއްޞަ ޢަދަދު "ކަޅުފަތްތޫރަ" އާއި، "ޙަމީދުގެ ޒިކުރާ" ރައީސުލްޖުމްހޫރިއްޔާ ނެރުއްވައިދެއްވިއެވެ. އަދި، މިތަކެއްޗާއި، ދިވެހިބަހުގެ އެކަޑަމީން ބޭއްވި ތަޢުޒިޔާގެ ފޮތް، ޙަމީދުގެ ޢާއިލާއަށް ރައީސުލްޖުމްހޫރިއްޔާ ވެދުން ކުރެއްވިއެވެ.
ހަމީދުގެ ތައުބީނުގެ ޖަލްސާގައި އެމަނިކުފާނުގެ ކޮއްކޯފުޅު އަދި ރައީސް އަބްދުﷲ ޔާމީން، ހަމީދުގެ ތައުޒިޔާގެ ދަފުތަރު އާއިލާގެ މެންބަރަކަށް ވެދުންކޮށް ދެއްވަނީ -- ފޮޓޯ: ރައީސް އޮފީސް
