މާލޭގައި ހުންނަ ކަލާފާނު ސުކޫލުގައި ދެ ދަރިވަރަކު މާރާމާރީއެއް ހިންގައިފި އެވެ.
ފުލުހުން ބުނީ މިއަދު ސްކޫލެއްގައި ދެ ކުއްޖެއްގެ މެދުގައި މާރާމާރީއެއް ހިންގާފައިވާ މައްސަލައެއް ރިޕޯޓުކޮށްފައިވާ ކަމަށެވެ.
އަވަސްއަށް މައުލޫމާތު ލިބިފައިވާ ގޮތުގައި މާރާމާރީ ހިންގީ ކަލާފާނު ސުކޫލުގެ ދެ ދަރިވަރުންނެވެ. މި މާރާމާރީގައި އެއް ކުއްޖެއްގެ ގަޔަށް ކަތުރަކުން ވަނީ ހަމަލާ ދީފަ އެވެ. އެ ކުއްޖާއަށް އޭޑީކޭ ހޮސްޕިޓަލުގައި އަންނަނީ ފަރުވާ ދެމުންނެވެ.
ފުލުހުން ބުނީ މި މައްސަލަ ބަލަމުން އަންނަ ކަމަށެވެ. މައްސަލައިގެ އިތުރު ތަފްސީލް ދީފައެއް ނުވެ އެވެ.