މިދިޔަ އަންގާރަ ދުވަހުގެ ރޭ އައްޑޫ ސިޓީ އަށް ބޯކޮށް ވާރެވެހި ފެންބޮޑުވުމާއި ގުޅިގެން އެ ސިޓީގެ ގުޅިފައިވާ ރަށްތަކުން ފެންހިއްކުމަށް އެމްއެންޑީއެފުން ފެށި މަސައްކަތުގައި ފެން ހިއްކުން ނިންމާލައި ރަށްތައް އާންމުހާލަތަށް ގެނެސްފި އެވެ.
އަންގާރަ ދުވަހުގެ ރޭ އިރާކޮޅު 7:30 ން ފެށިގެން ފެށި މަސައްކަތުގައި އައްޑޫ ސިޓީގެ ގުޅިފައިވާ ރައްތަކުގެ ހަ ސަރަހައްދެއްގައި ޕަންޕު ބޭނުންކޮށްގެން ފެން ހިއްކުމުގެ މަސައްކަތް ކުރި އެވެ.
މީގެ އިތުރުން 42 ގެއަކުން ފެން ހިއްކުމުގައި އެހީތެރިކަން ފޯރުކޮށްދިނެވެ.
އައްޑުގައި ފެން ބޮޑުވި ރަށެއްގައި ސިފައިން ފެން ހިއްކުމުގެ މަސައްކަތް ކުރަނީ -- ފޮޓޯ: އެމްއެންޑީއެފް