ރ. އިނގުރައިދޫ ސްކޫލުގައި މަލްޓިޕާޕަސް ހޯލަކާއި ކްލާސްރޫމް ތަކެއް އެޅުމަށް ބަޔަކާ ހަވާލުކޮށްފި އެވެ.
އެޑިޔުކޭޝަން މިނިސްޓްރީގައި މިއަދު އޮތް ރަސްމިއްޔާތެއްގައި ހޯލާއި ހަތަރު ކްލާސް ރޫމާއި ސްޓާފް ރޫމް އެޅުމަށް ހަވާލުކުރީ މާލާ ހައި ރައިސިން ކޮންސްޓްރަކްޝަން ޕްރައިވެޓް ލިމިޓެޑަށެވެ.
މާލާ ކުންފުންޏަށް މަސައްކަތް ހަވާލުކުރީ 16.96 މިލިއަން ރުފިޔާ އަށެވެ. މި މަސައްކަތްތައް ނިންމަން ދީފައިވަނީ 360 ދުވަހެވެ.
އެޑިޔުކޭޝަން މިނިސްޓްރީން ދަނީ ޖާގައިގެ މައްސަލަތައް ދިމާވެފައިވާ ސްކޫލުތަކުގައި ޖާގަ އިތުރުކުރުމަށް އެކި ކުންފުނިތަކާ ހަވާލުކޮށްގެން ރާއްޖޭގެ އެކި ސަރަހައްދުތަކުގެ ސްކޫލުތަކުގައި ގިނަ މަސައްކަތްތަކެއް ކުރަމުންނެވެ.