ހދ. ހިރިމަރަދޫގައި މީހަކު މަރުވެފައި އޮއްވާ ފެނިވެއްޖެ އެވެ.
ފުލުހުން ބުނީ އެރަށުގައި މަރުވެފައި އޮއްވާ ފެނުނީ 71 އަހަރުގެ އަންހެނެއް ކަމަށާއި އެ މީހާ ފެނިފައި ވަނީ ހިރިމަރަދޫ އަތިރިމަތީން ރާޅު ޖަހާ ފަށުގެ މޫދުތެރޭގައި އޮއްވާ އިއްޔެ މެންދުރު ފަހު 1:30 ގައި ކަމަށެވެ.
މިހާތަނަށް ބެލި ބެލުމުން އެ މީހާގެ ހަށިގަނޑުގައި އެއްވެސް ޒަހަމެއް ނެތެވެ. ނަމަވެސް އެ މީހާގެ މަރާ ގުޅިގެން ބަލަންޖެހޭ ކަންކަން ބަލަމުން ގެންދާ ކަމަށް ފުލުހުން ބުންޏެވެ.