ސީޒަނުގެ ނިޔަލަށް ޗެލްސީގެ ކޯޗަކަށް ކުރިން ވެސް ޔަގީން ކުރެވިފައިވާ ގޮތަށް ނެދަލޭންޑްގެ ގުސް ހިޑިންކް ހަމަޖައްސައި އެކަން އިއުލާންކޮށްފި އެވެ.
ޗެލްސީގެ ވެރިޔާ، ރޮމާން އަބްރޮމޯވިޗްގެ ހާއްސަ ރައްޓެއްސެއް ކަމަށްވާ ހިޑިންކް ޗެލްސީގެ ކޯޗުކަމަށް ހަމަޖެއްސީ ކޯޗް މޮރީނިއޯ މަގާމުން ދުރުކުމަށްފަހު ކޯޗެއް އަވަހަށް ހަމަޖައްސާނެ ކަމަށް ބުނުމަށްފަހު އެވެ.
ބްރެޒިލްގެ ލުއިސް ފިލިޕޭ ސްކޮލާރީގެ މެނޭޖަރު ކަމުގައި ޗެލްސީ އަޑި އަޅާލާފައި ވަނިކޮށް ކުރިން ވެސް ޗެލްސީގެ އިންޓެރިމް މެނޭޖަރު ކަމާ ހިޑިންކް ހަވާލުވެ ޓީމް ހަމައަކަށް އަޅުވައިދިނެވެ. އެފަދަ ހާލަތަކަށް ޗެލްސީ އަނެއްކާވެސް ވެއްޓިފައި ވަނިކޮށް އަލުން އެނބުރި ޗެލްސީއަށް އާދެވުމުން ތަޖުރިބާކާރު ކޯޗް ބުނީ ޗެލްސީއަށް އެހީވެވޭތީ އުފާވާ ކަމަށާއި ޗެލްސީގެ ހާލަތު ބަދަލު ކޮށްލެވޭނެ ކަމަށެވެ. އަދި އެންމެން ގުޅިގެން އެކަމަށް ނުކުތުމަށް ބޭނުންވާ ކަމަށެވެ.
އަހުލާގީ ގޮތުން ކުޅުންތެރިންނަށް ހަރުކަށި ފިޔަވަޅު އަޅާ ކޯޗް ކުރިން ޗެލްސީގައި ވަނީ އެފްއޭކަޕް ހޯދާފަ އެވެ. އޭނާ ހަވާލުވި ނަމަވެސް މިރޭ ޗެލްސީ ސަންޑަލޭންޑާ ދެކޮޅަށް ނުކުންނަ މެޗުގައި އޭނާ އިންނާނީ ކުޅި ބަލާށެވެ. ޓީމަށް އިރުޝާދު ދޭނީ ސްޓީވް ހޮލެންޑެވެ. ނަމަވެސް ޗެލް ވޮޓްފޯޑްއާ ދެކޮޅަށް ކުޅޭ މެޗް ފަށާނީ ހިޑިންކްއާއެކު އެވެ. ހިނޑިންއަކީ އާދައިގެ އާދައިގެ ގައުމުތަކުގެ ގައުމީ ކޯޗު ކަމުގައި އާދަހިލާފު ނަތީޖާ ނެރެދީފައިވާ އަދި ކުޅުމުގެ ސްޓައިލަށް ބޮޑު ބަދަލެއް ގެންނަ ކޯޗެކެވެ. މިރޭ ހިޑިންކް ކުޅިބަލަން އިންނާނީ ރޮމާން އަބްރޮމޯވިޗާއި ޑިޑިއޭ ޑްރޮގްބާއާއެކުގަ އެވެ.
ޗެލްސީގެ ކޯޗް ކަމުގައި އެންމެ ކާމިޔާބު ކޯޗް ހޯސޭ މޮރީނިއޯ ޗެލްސީގެ ކޯޗުކަމުން ދުރުކުރީ، އެޓީމުން މި ސީޒަނުގައި ނެރެމުންދާ ދަށް ނަތީޖާތަކުގެ ސަބަބުންނެވެ. މިއަދު އަލުން ޓީމާ ހަވާލުވި ހިޑިންކުވެސް އެންމެ ފަހުން ހޮލެންޑުގެ ގައުމީ ޓީމުގެ ކޯޗު ކަމުން ވަކިވާން ޖެހުނީ ދަށް ނަތީޖާތަކާއެކު ޔޫރޯއަށް ކޮލިފައި ނުކޮށް ދެވުމުންނެވެ.
ގުސް ހިޑިންކު: މި ފަހަރު ވެސް ޓީމް ހަމައަކަށް އަޅުވައިދިނުމުގެ މަސައްކަތާ ހަވާލުވި