ފޯސީޒަން އިން ހިންގާ، އެޕްރެންޓިސްޝިޕް ޕްރޮގްރާމުން ޓޫރިޒަމް ދާއިރާއަށް ނުކުންނެވި، ޝައިމާ އަލީ އެ ކުންފުނީގެ ގްރޫޕް މާކެޓިން މެނޭޖަރު ކަމަށް ޕްރޮމޯޓް ވެއްޖެ އެވެ.
ޓޫރިޒަމް ހަބަރުތައް ގެނެސްދޭ ހޮޓޭލިއާގައިވާ ގޮތުން ޝައިމާ އަލީ އައްޔަން ކޮށްފައި ވަނީ ފޯސީޒަން ރިސޯޓްސް މޯލްޑިވްސް އެޓް ކުޑަ ހުރާގެ މާކެޓިން މެނޭޖަރުގެ މަގާމަށް ކަމަށެވެ.
އުމުރުން 17 އަހަރުގައި ޓޫރިޒަމް ސިނާއަތަށް ނުކުންނެވި ޝައިމާއަކީ ފޯސީޒަން އެޕްރެންޓިސްޝިޕް ޕްރޮގްރާމުން ޓޫރިޒަމް ސިނާއަތަށް ނުކުތް ޒުވާނެކެވެ. އޭނާވަނީ މި ޕްރޮގްރާމުގައި ރިޒަވޭޝަން އާއި ރޫމް ޑިވިޝަންގެ ދާއިރާއިން ހާއްސަވެފަ އެވެ. އޭނާ ވަނީ ދުނިޔޭގެ އެންމެ ބޮޑު އެއާލައިން ކަމަށްވާ އެމިރޭޓްސްގެ ރިޒަވޭޝަންގައި ވެސް މަސައްކަތް ކުރައްވާ ތަޖުރިބާ ހޯދާފަ އެވެ.
އެމިރޭޓްސްގައި މަސައްކަތް ކުރެއްވުމަށްފަހު 2010 ވަނަ އަހަރު އަނެއްކާ ވެސް ފޯސީޒަން ލަނޑާ ގިރާވަރުގެ ރިޒަވޭޝަން އެޖެންޓުގެ މަގާމަށް ގުޅުނެވެ. އަދި 2013 ވަނަ އަހަރު އޭނާއަށް ވަނީ ޕްރޮމޯޝަން ލިބި ރިޒަވޭޝަން ސުޕަވައިޒަރުގެ މަގާމަށް ބަދަލުވެފަ އެވެ.