ރާއްޖެއިން އުމްރާ އަށް ދިއުމަށް ބޭނުންވާ މީހުން އުމްރާ ގެންދިއުމަށް އިތުރު ހަތަރު ކުންފުންޏަކަށް ހުއްދަ ދީފ އެވެ.
ރާއްޖޭގައި ހައްޖާއި އުމުރާ އަށް މީހުން ގެންދިއުމުގެ ހުއްދަ ދެނީ އިސްލާމިކް މިނިސްޓްރީންނެވެ.
އެ މިނިސްޓްރީން އިއްޔެ ހުއްދަ ދީފައިވަނީ އުހުދު ހައްޖު އެންޑް އުމްރާ އާއި، ޒާއިރު ޕްރައިވެޓް ލިމިޓެޑާއި، އަލް މުސާފިރު ޕްރައިވެޓް ލިމިޓެޑްގެ އިތުރުން ރައުލާ ޕްރައިވެޓް ލިމިޓެޑަށެވެ.
އުމްރާއަށް މީހުން ގެންދިއުމުގެ ހުއްދަ ކުންފުނިތަކަށް ދެނީ ކޮންމެ ދެ އަހަރަކުން ހުއްދަ އާކުރާ ގޮތަށެވެ.
އަލަށް ހުއްދަ ދިން ހަތަރު ކުންފުންޏާ އެކު އިސްލާމިކް މިނިސްޓްރީން ހުއްދަ ދީފައިވާ ކުންފުނީގެ އަދަދު ވަނީ 41 އަށް އިތުރުވެފަ އެވެ.