ފުލުހުން ރޭ ހިންގި އޮޕަރޭޝަނުގައި 17 ކިލޯގެ މަސްތުވާތަކެތި އަތުލައިގެންފައިވާ ކަމަށް ބުނެފި އެވެ.
ފުލުހުން މިއަދު ބުނީ ރޭ މަސްތުވާތަކެތީގެ އޮޕަރޭޝަނެއް ހިންގީ ވައިގެ މަގުން ރާއްޖެއަށް މަސްތުވާތަކެތި އެތެރެކުރާކަމުގެ މައުލޫމާތު ލިބިގެން ކަމަށެވެ.
މި މައްސަލައާއި ގުޅިގެން ހަތަރު މީހަކު ފުލުހުން މިހާރު ވަނީ ހައްޔަރުކޮށްފަ އެވެ.
ފުލުހުން ބުނިގޮތުގައި މި މައްސަލައާއި ގުޅިގެން 27 އަހަރާއި 37 އަހަރާ ދެމެދުގެ ހަތަރު ފިރިހެނުން ހައްޔަރުކޮށްފައިވެ އެވެ. އެއީ ދިވެހި ދެ ފިރިހެނުންނާއި ބަންގްލަދޭޝްގެ ދެ ފިރިހެނުންނެވެ.
ސޯސަން މަގާއި ރަތްވިލާ މަގު ގުޅޭ ކަންމަތިން ދިޔަ ޕިކަޕެއް ހުއްޓުވައި ބަލައި ފާސްކުރިއިރު މަސްތުވާތަކެތި ހުރި ފޮށިގަނޑުތަކެއް ވަނީ ފެނިފަ އެވެ. މި މައްސަލަ ފުލުހުން އަންނަނީ ތަހުގީގު ކުރަމުންނެވެ.