ކުރެންދޫ ކައުންސިލްގެ ރައީސް ހޮވުމުގެ އިންތިހާބު އިދިކޮޅު ޕީޕީއެމްގެ ކެންޑިޑޭޓް ކާމިޔާބު ކޮށްފި އެވެ.
މި އިންތިހާބުގައި ވާދަކޮށްފައިވަނީ ޕީޕީއެމްގެ ފަރާތުން އިސްމާއީލް މަދީހް އާއި އެމްޑީޕީގެ ފަރާތުން އަލީ ނަސީމެވެ.
މާލޭގައި ބެހެެއްޓުނު ވޯޓް ފޮށިން އިސްމާއީލަށް 234 ވޯޓް ލިބުނެވެ. އަލީ ނަސީމަށް ލިބިފައިވަނީ 198 ވޯޓެވެ. 11 ވޯޓް ބާތިލެވެ.
ކުރެންދޫގައި ބެހެއްޓުނު ދެ ވޯޓް ފޮށީގެ ތެރެއިން އެއްނަންބަރު ވޯޓް ފޮށީން ކުރި ހޯދީ އިސްމާއީލް މަދީހެވެ. އެ ފޮށީން އޭނާއަށް 198 ވޯޓް ލިބުނެވެ. އަލީ ނަސީމަށް ލިބުނީ 142 ވޯޓެވެ. ދެ ނަންބަރު ވޯޓް ފޮށިން ކުރި ހޯދީ އަލީ ނަސީމެވެ. އެ ފޮށިން އޭނާއަށް 219 ވޯޓް ލިބުނުއިރު އިސްމާއީލަށް ލިބިފައިވަނީ 190 ވޯޓެވެ.
އަލީ ނަސީމަށް ލިބުނު ޖުމްލަ ވޯޓްގެ އަދަދަކީ 564 އެވެ. އިސްމާއީލް މަދީހަށް ލިބުނު ޖުމްލަ ވޯޓްގެ އަދަދަކީ 614 އެވެ.
މި އިންތިހާބުގައި 1198 މީހަކު ވޯޓްލާފައިވެއެވެ. ސައްހަ ވޯޓްގެ އަދަދަކީ 1178 އެވެ. ބާތިލް ވޯޓްގެ ގޮތުގައި 20 ވޯޓް ގުނާފައިވެއެވެ.
ކުރެންދޫ ކައުންސިލްގެ ރައީސް ހޮވުމުގެ އިންތިހާބާއި ދިމާކޮށް އެމްޑީޕީ އާއި ޕީޕީއެމުން ވަރުގަދަ ކެމްޕެއިނެއް ހިންގި އެވެ. ކެމްޕެއިނަށް ރައީސް ނަޝީދާއި ސަރުކާރުގެ ވަރަށް ގިނަ މިނިސްޓަރުން ކުރެންދޫއަށް ވަޑަައިގަތެވެ. ބައެއް މަޝްރޫއުތައް އަވަސްކޮށް ބައެއް މަސައްކަތްތަކުގެ އަމަލީ ބައި ފެށިއެވެ.
މި އިންތިހާބާ ދިމާކޮށް ރައީސް ޔާމީނާއި އިދިކޮޅުގެ އިސް ވެރީންވެސް ވަނީ ކުރެންދޫއަށް ވަޑައިގެން ކެމްޕެއިން ހިންގަވާފައެވެ.