ރީސައިކަލް ކުރެވޭ ކުނިތައް ވަކިން އެޅޭނެ ގޮތަށް ހުޅުމާލޭގެ އެކި ސަރަހައްދުތަކުގައި ޑަސްބިންތަކެއް ބެހެއްޓުމުގެ މަސައްކަތް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ފަށައިފި އެވެ.
ތިން ފިޔަވައްސަކަށް ބަހާލައިގެން ކުރިއަށް ގެންދާ މި މަޝްރޫއުގެ ދަށުން 345 ޑަސްބިން ބެހެއްޓުމަށް ހަމަޖެހިފައިވެ އެވެ.
ފުރަތަމަ ފިޔަވަހީގައި 41 ޑަސްބިން، ދެވަނަ ފިޔަވަހީގައި 108 ޑަސްބިން އަދި ތިންވަނަ ފިޔަވަހީގައި 196 ޑަސްބިން ބަހައްޓާނެ އެވެ.
ހުޅުމާލޭގެ އާބާދީ ބޮޑުވެ ކުނީގެ މައްސަލަ އިތުުރުވަމުންދާތީ އެ މައްސަލަ ހައްލުކުރުމަށް އެޗްޑީސީން ގެންދަނީ ކަމާ ގުޅޭ ފަރާތްތަކާ ގުޅިގެން ފިޔަވަޅުތަކެއް އަޅަމުންނެވެ.
ހުޅުމާލޭގައި ވެސް ގޭބިސީތަކުގައި ދުވަހުން ދުވަހަށް އުފެދޭ ކުނި އުކާލުމުގެ ހިދުމަތް ދެނީ ސަރުކާރުގެ ކުންފުނި -- ވެމްކޯ އިންނެވެ.