ރިސޯޓް ލައިފާއި މޯލްޑިވްސް މާކެޓިން އެންޑް ޕީއާރް ކޯޕަރޭޝަން (އެމްއެމްޕީއާރުސީ) އިން ރާއްޖެއިން ބޭރުގައި އިޝްތިހާރު ކުރަން ސޮއިކޮށްފި އެވެ.
އެމްއެމްޕީއާރްސީ އިން ބުނީ ރަޝިއާ އާއި ސީއައިއެސް އަދި މެދުއިރުމަތީގައި ރާއްޖެ އިޝްތިހާރު ކުރަން ސޮއިކުރި އެއްބަސްވުމާއެކު މި ސަރަހައްދުގައި ބާއްވާ ހުރިހާ ޕްރޮމޯޝަން އިވެންޓުތަކެއްގައި އެ ކުންފުނީގެ ބްރޭންޑިން އަދި ލޯގޯ ބޭނުން ކުރާނެ ކަމަށެވެ.
މި އެއްބަސްވުމުގައި އެމްއެމްޕީއާރުސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު ތޮއްޔިބު މުހައްމަދު އެވެ. އަދި ރިސޯޓް ލައިފްގެ ފަރާތުން ސޮއިކުރައްވީ މެނޭޖިން ޑިރެކްޓަރު މުހައްމަދު ޝާޒް ވަލީދު އެވެ.
ރިސޯޓް ލައިފްއަކީ 2006 ވަނަ އަހަރުން ފެށިގެން ދުނިޔޭގެ އެކި ކަންކޮޅުތަކުގައި ރާއްޖެ އިޝްތިހާރު ކުރަން ހަރަކާތްތެރިވަމުން ގެންދާ ކުންފުންޏެކެވެ.