މަޝްހޫރު ފިލްމު ޑައިރެކްޓަރު ކަރަން ޖޯހަރް މިހާރު ތައްޔާރުވަމުންދަނީ އޭނާގެ ސެލެބްރިޓީ ޗެޓް ޝޯ "ކޮފީ ވިތު ކަރަން"ގެ ހަތް ވަނަ ސީޒަން ފެށުމަށެވެ. މިފަހަރުގެ ސީޒަންގައި އާލިއާ ބަޓް އާއި ރަންވީރު ސިންގް އެއް އެޕިސޯޑެއްގައި ބައިވެރިވެ އެވެ. އަކްޝޭ ކުމާރާއެކު ބައިވެރިވަނީ ސައުތު އިންޑިއާގެ މަޝްހޫރު ބަތަލާއެއް ކަމަށްވާ ސަމަންތާ ރުތު ޕްރަބޫ އެވެ. އަނަންޔާ ޕާންޑޭ އާއި ވިޖޭ ދޭވަކޮންޑާ ބައިވެރިވާ އެޕިސޯޑަކާއި ސާރާ އަލީ ޚާނާއި ޖާންވީ ކަޕޫރު ބައިވެރިވާ އެޕިސޯޑެއް ވެސް ދައްކަން ވަނީ ހަމަޖެހިފަ އެވެ.
ޝޯގެ ކުރީގެ ސީޒަންތައް ސްޓާ ނެޓްވޯކުން ދެއްކި ނަމަވެސް މިފަހަރުގެ ސީޒަން ސްޓްރީމްކުރާނީ އޯޓީޓީ ޕްލެޓްފޯމަކުންނެވެ.
މި ޝޯގެ އެޕިސޯޑެއްގައި ވާހަކަ ދައްކަމުން ކަރަން ބުނި ގޮތުގައި އާލިއާ ބަޓް އަކީ އޭނާގެ "ދަރި"އެކެވެ.
"އޭނަ އަހަރެންގެ އޮފީހަށް އެންމެ ފަހުން އައި ދުވަހަކީ އަހަރެންގެ މޫޑު ވަރަށް ގޯސް ދުވަހެއް. އޭނަ އައިސް ބަނޑުބޮޑު ވާހަކަ ބުނުމުން އަހަންނަށް އުފަލުން ރޮވުނު. އޭނަ އަހަރެންގެ އޮފީހަށް ފުރަތަމަ އައީ އުމުރުން އެންމެ 17 އަހަރުގައި. މިހާރު އޭގެ 12 އަހަރު ފަހުން އައިސް ބަނޑުބޮޑު ވާހަކަ ބުނުމުން އަހަރެންނަށް އުފަލުން ރޮވުނީ. އޭނަގެ ދަރިފުޅު އުރާލާ ހިތުން އަހަރެން ކެތްތެރިކަމެއް ނެތި އިންތިޒާރު އެބަ ކުރަން. ސަބަބަކީ އޭނާގެ ދަރިންނަކީ އަހަރެންގެ އަމިއްލަ ދަރިންގެ ގޮތުގައި އިހްސާސް ކުރެވޭތީ. އެހާވެސް އޭނާ އާ އަހަރެންގެ ގުޅުން ވަރުގަދަ،" ކަރަން ބުންޏެވެ.
އާލިއާގެ ކައިވެނީގެ ރަސްމިއްޔާތުގައި ވެސް ކަރަން ވަނީ ބައްޕައެއް ފަދައިން ބައިވެރިވެފަ އެވެ.
ކަރަން އާއި އާލިއާ