ކުރިއަށް އޮތް މޯލްޑިވްސް މެރިން އެކްސްޕޯ 2022 ގެ އޮފިޝަލް ލުބްރިކަންޓް ޕާޓްނަރަކަށް ވިލާ ކުންފުނި ހަމަޖައްސައިފި އެވެ.
މޯލްޑިވްސް މެރިން އެކްސްޕޯ 2022 ކުރިއަށް ދާނީ ކުރިއަށް އޮތް މިއޮގަސްޓް ހަތަރުވަނަ ދުވަހުން ފެށިގެން ހަވަނަ ދުވަހުގެ ނިޔަލަށް ހުޅުމާލޭ ސެންޓްރަލް ޕާކުގައެވެ. މެރިން އެކްސްޕޯ 2022 ގެ އޮފިޝަލް ލުބްރިކަންޓް ޕާޓްނަރަކަށް ވިލާ ކުންފުނި ހަމަޖައްސާ މިހާރު ވަނީ އެއްބަސްވުން ގާއިމުކޮށްފައެވެ.
އެ ކުންފުނިން ބުނީ އެކްސްޕޯގައި ވިލާއިން ދައްކާލާނީ ޝެލް ބްރޭންޑްގެ އެއް ނަންބަރު ގްލޯބަލް ލުބްރިކަންޓްސް ސަޕްލައި ކުރާ ކުންފުންޏެއް ކަމަށްވާ ވީއެޗްޕީއެލް ލުބްރިކަންޓް ކަމަށެވެ. އެގޮތުން ކަރަންޓް އުފެއްދުމަށް ބޭނުންކުރާ ލުބްރިކަންޓްސް އާއި މެރިން އިންޖީނު އަދި ލޭންޑް އެންޑް ހެވީ އިންޖީނުގެ އިތުރުން ހެވީ މެޝިނަރީތަކަށް ބޭނުންކުރާ ހައިޑްރޮލިކް އަދި ބްރޭކް ފްލޫޑް ފަދަ ތަކެތި ދައްކާލާނެ ކަމަށެވެ.
ރާއްޖޭގައި މި ބާވަތްތައް ވިއްކުމުގެ ހުއްދަ ލިބިފައިވަނީ ވިލާ ހަކަތައަށެވެ.
ވީއެޗްޕީއެލް އަކީ އެނާޖީ ދާއިރާގެ ޕަވާހައުސްއެއްގެ އިތުރުން ރާއްޖޭގައި ކޮންސްޓްރަކްޝަން މެޓީރިއަލް ސަޕްލައިކުރާ މި ދާއިރާގައި އެންމެ ފާހަގަކޮށްލެވޭ ކުންފުންޏެކެވެ.