މީޑިއާނެޓް އޮފީހަށް ބަޔަކު ވަދެ މާރާމާރީ ހިންގި މައްސަލާގައި ދެ މީހަކު ހައްޔަރު ކޮށްފި އެވެ.
ފުލުހުން ބުނީ އޯކިޑްމަގުގައި ހުންނަ މީޑިއާނެޓް އޮފީހަށް ބަޔަކު ވަދެ މާރާމާރީ ހިންގި މައްސަލާގައި ހައްޔަރު ކޮށްފައިވަނީ އުމުރުން 22 އަހަރުގެ މީހަކާއި 19 އަހަރުގެ މީހެއް ކަމަށެވެ. އެ މީހުންގެ ބަންދަށް މުއްދަތު ޖަހަން ގެންދިއުމުން 22 އަހަރުގެ މީހާ ޝަރީއަތް ނިމެންދެން އަދި 19 އަހަރުގެ މީހާ ތަހުގީގު ނިމެންދެން ބަންދުގައި ބެހެއްޓުމަށް ވަނީ އަމުރުކޮށްފައެވެ.
މި މަހުގެ 18 ވަނަ ދުވަހު ހިނގި މާރާމާރީގައި އެކަކަށް އަނިޔާވި އެވެ.