އަމިއްލަ ނަފުސު އިސްކުރުމަކީ އަމިއްލަ އެދުން ބޮޑު ކަމެއް ހެއްޔެވެ؟ ދިރިއުޅުމުގައި ކޮންމެ ކަމަކާ ކުރިމަތިލިޔަސް އެހެން މީހަކު ބުނާ އެއްޗަކަށް ބެލުމެއް ނެތި އަބަދުވެސް އަމިއްލަ ނަފްސު އިސްކުރާށެވެ.
ތިމާގެ އަމިއްލަ ނަފްސު އިސްކުރުމަކީ މުހިއްމު ކަމެކެވެ. ބަޔަކު އެއްބަސްވިޔަސް، ނުވިޔަސް އަމިއްލަ ނަފްސުގެ ހިތްހަމަޖެހުމަކީ ތިމާގެ ނަފުސާނީ ދުޅަހެޔޮކަން ދެމެހެއްޓުމަށް އެންމެ މުހިންމު އެއް ކައްތަކެވެ.
އަމިއްލަ ނަފުސަށް ބޭނުންވާ ކަންކަން އިސްކުރުމަކީ އަމިއްލަ އެދުން ބޮޑުވުން ކަމަށް ނުދެކޭށެވެ. އަދި އަމިއްލަ ނަފްސު އިސްކުރުމަކީ އެހެން މީހުންގެ އިހްސާސްތަކަށް ނުބަލާ ހަމައެކަނި އަމިއްލަ ނަފުސަށް އަޅާލުމެއް ވެސް ނޫނެވެ.
މާނައަކީ ކޮންމެ ކަމެއްގައިވެސް ލިސްޓުގެ އެންމެ މަތީގައި ތިމާ ބެހެއްޓުމެވެ. އެއީ ތިމާގެ އަމިއްލަ ނަފުސު ކޮންމެހެން އެހެން އެންމެނަށް ވުރެ މޮޅު ކުރުމުގެ ވިސްނުމުގައެއް ނޫނެވެ. އެކަމަކު އެއީ ތިމާގެ ނަފްސަށް މުހިއްމުކަން ދިނުމުގެ ބޭނުމުގަ އެވެ.
ބައެއް ފަހަރު އަމިއްލަ ނަފްސު އިހުތިޔާރު ކުރުމަކީ އާންމުކޮށް އަމިއްލަ އެދުން ބޮޑު ކަމެއްގެ ގޮތުގައި ބައެއް މީހުން ބަލަ އެވެ. ނަމަވެސް އެއީ ހަގީގަތެއް ނޫނެވެ. ބައެއް މީހުންނަށް މިކަން ބަލައި ގަންނަން އެހާ ފަސޭހަ ނުވަނީ އެވެ.
އަމިއްލަ އެދުން ބޮޑުވުމާއި އަމިއްލަ ނަފްސަށް އަޅާލުމަކީ މުޅިން ދެ ކަމެކެވެ. އަމިއްލަ އެދުން ބޮޑުވުމަކީ އެހެން މީހުންގެ އިހްސާސްތަކަށް އިހްތިރާމް ނުކޮށް، ތިމާ ނޫން އެހެން މީހަކު ނެތްކަމުގެ ވިސްނުން ސިކުނޑިއަށް ވެރިވުމެވެ. އެއާ ހިލާފަށް އަމިއްލަ ނަފްސަށް އަޅާލުމަކީ ނުވަތަ ލޯބި ކުރުމަކީ ތިމާގެ މުހިއްމުކަން ސިކުޑިން ކަސިޔާރު ވެގެން ނުދިޔުމުގެ ވިސްނުމެވެ.
ހަނދާނަށް ގެންނަންވީ މަތިންދާ ބޯޓުގައި ދަތުރުކުރާއިރު ކުއްލި ހާލަތެއް މެދުވެރިވާ ވަގުތު ދޭ އިރުޝާދެވެ. އެހެން މީހަކަށް އެހީތެރިވުމުގެ ކުރިން ތިމާ އޮކުސިޖަން މާސްކު އަޅަން ބުނާ ސަބަބެއް އެބައޮތެވެ. އެއީ ކުޑަކުދިން ހިމެނޭ ގޮތަށެވެ. ތިމާގެ ބޭނުންތައް އިސްކޮށްގެން ނޫނީ ތިމާއަށް އެހެން މީހުންނަށް އެހީތެރިއެއް ނުވެވޭނެ އެވެ. މިވެސް ގަބޫލުކުރަން ޖެހޭ ހަގީގަތެކެވެ.
ހާއްސަކޮށް މިޒަމާނުގައި ދިރިއުޅުމުގެ ކަންކަން ހުންނަ ގޮތުން އާއިލާއައި މަސައްކަތާއި އަދި ރަށްޓެހިންނަށް ވަގުތު ދިފާއި ތިމާގެ އަމިއްލަ ނަފްސާއި މެދު ވިސްނާނެ ވަގުތެއް ނޯވެ އެވެ.
އަހަރެމެންގެ ބައިވެރިޔާއާ އެކު ވަގުތު ހޭދަ ކުރާއިރުވެސް އަމިއްލަ ނަފްސަށް އިސްކަން ދޭން ޖެހެއެވެ.
ފުރަތަމަ ނަޒަރުން ބަލާއިރު އަމިއްލަ ނަފްސަށް އިސްކަން ދިނުމަކީ އަމިއްލަ އެދުން ބޮޑު ކަމެއް ކަމަށް ހީވެދާނެ އެވެ. އެކަމަކު އަމިއްލަ ނަފުސަށް އުފާވެރިކަން ހޯދައި ނުދެވޭނަމަ، ދެން އެހެން ބަޔަކަށް އުފާކޮށްދެވޭނެ ހެއްޔެވެ. އަމިއްލަ ނަފުސަށް އަޅާލުމަކީ ތިމާއަށާއި ތިމާގެ އާއިލާއަށް އެންމެ ފައިދާ ހުރި ގޮތްކަން ދެނެގަންނާށެވެ.