މިއަދު ބޭއްވި ހަތަރު ބައި-އިލެކްޝަންގެ ތެރެއިން ދެ ބައި-އިލެކްޝަން ޕީޕީއެމުން ކާމިޔާބުކޮށްފި އެވެ.
ޕީޕީއެމުން ކާމިޔާބުކޮށްފައިވަނީ ރ. ރަސްމާދޫ އަދި ތ. ގުރައިދޫ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ބައި-އިލެކްޝަނެވެ.
އެމްޑީޕީގެ ކެންޑިޑޭޓް މަރިޔަމް ލިޔޫސާ އާއި ވާދަކޮށް ރ. ރަސްމާދޫ ބައި-އިލެކްޝަން ކާމިޔާބު ކުރީ ޕީޕީއެމްގެ ސާބިރާ މުހައްމަދެވެ.
އެމްއެންޕީގެ ކެންޑިޑޭޓު ފާތިމަތު ރަނިއްޔާ އާއި ވާދަކޮށް ތ. ގުރައިދޫގެ ބައި-އިލެކްޝަން ކާމިޔާބުކުރީ ޕީޕީއެމްގެ ޝަރުމާ އަލީމަނިކެވެ.
މިއަދު ދެން ކުރިއަށް ގެންގޮސްފައިވަނީ ށ. މާއުނގޫދޫ ކައުންސިލްގެ ބައި-އިލެކްޝަނާއި ލ. ދަނބިދޫ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ބައި އިލެކްޝަނެވެ.
ށ. މާއުނގޫދޫ ކައުންސިލްގެ ބައި-އިލެކްޝަންގައި ޕީޕީއެމްގެ ފަރާތުން ވާދަކުރީ މުހައްމަދު އިބްރާހީމް ވަހީދެވެ. އެމްޑީޕީގެ ފަރާތުން ވާދަކުރީ ފާތިމަތު ޝިމާނާއެވެ.
ލ. ދަނބިދޫ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ބައި-އިލެކްޝަންގައި ވާދަކުރީ އެމްއެންޕީގެ މަރިޔަމް ސާމިރާ އާއި ޕީޕީއެމްގެ މަރްޔަމް ރަޝީދާ އާއި އަމިއްލަ ގޮތުން ވާދަކުރެއްވި އާއިޝަތު ވިސާމާ އަދި އެމްޑީޕީން ވާދަކުރި އާއިޝަތު ޒިޔާދާ އެވެ.
ބައި-އިލެކްޝަންގެ ވޯޓުލުން ފެށީ މިއަދު ހެނދުނު 8:00 ގައެވެ.
ވޯޓުލުމުގެ ހައްގު ލިބިފައިވާ މީހުންގެ އަދަދު
- ށ. މާއުނގޫދޫ -1 - 673 މީހުން
- ރ. ރަސްމާދޫ - 1 - 449 މީހުން
- ތ. ގުރައިދޫ - 1 - 543 މީހުން
- ތ. ގުރައިދޫ - 2 - 566 މީހުން
- ލ. ދަނބިދޫ - 1 - 552 މީހުން
- ބައި-އިލެކްޝަންސް، އަތޮޅު-މާލެ-1 - 1031 މީހުން
ހަތަރު ބައި އިލެކްޝަންގައި 3814 މީހުންނަށް ވޯޓުލުމުގެ ހައްގު ލިބިފައިވާއިރު ވޯޓު ލާފައިވަނީ 2011 މީހުން ކަމަށް އިލެކްޝަންސް ކޮމިޝަނުން ވަނީ ބުނެފަ އެވެ.