ލ. ގާދޫ މީހުން އެ އަތޮޅު ފޮނަދޫއަށް ބަދަލު ކުރުމުގެ މަސައްކަތް އަންނަ އާދީއްތަ ދުވަހު ނިމޭނެ ކަމަށް ހައުސިން މިނސްޓްރީން ބުނެފި އެވެ. އެ ރަށުގެ މީހުން ބަދަލު ކުރުމުގެ މަސައްކަތް ފެށީ މިދިޔަ ހޯމަ ދުވަހު އެވެ. މީހުން ބަދަލު ކުރަނީ ހައުސިން މިނިސްޓްރީގެ އިތުރުން އެމްއެންޑީއެފް ވެސް ބައިވެރިވެގެނެވެ.
މިނިސްޓްރީން ބުނީ ގާދޫ ރައްޔިތުންނަށް ފޮނަދޫގައި ހަދައިފައިވާ ގެތަކަށް މީހުން ބަދަލު ކުރުމުގެ މަސައްކަތް އަންނަ އާދީއްތަ ދުވަހާއި ހަމައަށް ނިންމާލެވޭނެ ކަމަށެވެ.
ގާދޫ ރައްޔިތުންނަށް ފޮނަދޫގައި އަޅާފައިވަނީ، 85 ގެއެވެ. ގާދޫގައި 108 އާއިލާ ދިރިއުޅޭއިރު ގެތައް އަދި ހަމަނުޖެހޭ އާއިލާތައް ދިރިއުޅޭނީ މިނިސްޓްރީން ކުއްޔަށް ހިފާ ގެތަކެއްގަ އެވެ. އެ އާއިލާތައް ވެސް އެއް އަހަރު ތެރޭގައި އަމިއްލަ ގެއަށް ވަދެވޭނެ އެވެ.
ގާދޫ ރައްޔިތުން ފޮނަދޫ އަށް ބަދަލު ކުރުމުގެ މަސައްކަތުގައި އެމްއެންޑީއެފް އިން އެހީ ވަނީ -- ފޮޓޯ:ހައުސިން މިނިސްޓްރީ