ކުރިން މާފަންނު ޕޮލިސް ސްޓޭޝަން ހިންގަމުން އައި އިމާރާތަށް ފުލުހުންގެ މެރިން އިންވެސްޓިގޭޝަން ޑިޕާޓްމަންޓް ބަދަލުކޮށްފި އެވެ.
ފުލުހުން ބުނީ މެރިން އިންވެސްޓިގޭޝަން ޑިޕާޓްމަންޓް އާ އިމާރާތަކަށް ބަދަލުކުރީ، ފުލުހުންނަށް ހުށަހެޅޭ މައްސަލަތަކުގެ ތަހުގީގު އަވަސްކޮށް، މަސައްކަތްތައް ތަރައްގީކުރުމަށް ކުރަމުންދާ މަސައްކަތްތަކުގެ ތެރެއިން، އެ ޔުނިޓަށް ދިމާވެފައިވާ ޖާގައިގެ ދަތިކަން ހައްލުކުރުމަށް ކަމަށެވެ. މީގެ ކުރިން މެރިން ޕޮލިސް އިންވެސްޓިގޭޝަން ޔުނިޓް ހިންގަމުން ދިޔައީ އަމީނީ މަގުގައި ހުންނަ ޓްރެފިކް ޕޮލިސް އިމާރާތުގައެވެ.
މެރިން އިންވެސްޓިގޭޝަން އާ އިމާރާތަސް ބަދަލުކުރުމަށް މިއަދު ބޭއްވި ރަސްމިއްޔާތުގައި ޑެޕިއުޓީ ކޮމިޝަނާ އޮފް ޕޮލިސް އަހުމަދު ސައުދީ ގެ އިތުރުން އިންޓާނަލް ސެކިއުރިޓީ ކޮމާންޑްގެ ހެޑް ޗީފް ސްޕްރިޓެންޑެންޓް އޮފް ޕޮލިސް ހަމްދޫން ރަޝީދު އާއި މެރިން ޕޮލިސް ޑިޕާޓްމަންޓްގެ އިސްވެރިން ބައިވެރިވެވަޑައިގެންނެވި އެވެ.
