ނެޓްފްލިކްސް އިން ފުރަތަމަ ފަހަރަށް ބައިނަލްއަގްވާމީ ލައިވް ކޮމެޑީ އިވެންޓެއް ސްޓްރީމް ކުރުމަށް ތައްޔާރުވަނީ އެވެ.
ނެޓްފްލިކްސް އިން މި އިވެންޓް ދެއްކުމަށް ހަމަޖެހިފައިވަނީ 2023 ގައެވެ. އަދި މި ޝޯ އެންމެ ފުރަތަމަ ގެނެސްދޭނީ ކޮމެޑިއަން އަދި އެކްޓަރު ކްރިސް ރޮކް އެވެ.
ކްރިސް ވަނީ ދާދި ފަހުން އޭނާގެ އީގޯ ޑެތް ޓުއާ ނިންމާލަފަ އެވެ އަދި ލަންޑަންގައި މި ޓުއާގެ އެއް ޝޯގެ ތެރެއިން އޭނާ ބުނެފައިވަނީ އެންމެ ފަހުގެ އޮސްކާ އެވޯޑް ނައިޓްގައި ވިލް ސްމިތް އޭނާގެ އަންހެނުންގެ ދިފާއުގައި ސްޓޭޖަށް އަރައި، ކްރިސްގެ މޫނުގައި ޖެހި މައްސަލައިގައި ވާހަކަ ދައްކަން ބޭނުން ނުވާ ކަމަށެވެ. ނަމަވެސް ކައިރި މުސްތަގުބަލެއްގައި ނެޓްފްލިކްސްގެ ޝޯއެއްގައި އެކަމާ ގުޅިގެން ވާހަކަދައްކާނެ ކަމަށް ކްރިސް ބުންޏެވެ.
ކްރިސް ރޮކް އަކީ އެތައް ގްރެމީ އަކާއި އެމީ އެވޯޑެއް ލިބިފައިވާ ހުނަރުވެރި ކޮމެޑިއަން އެކެވެ.
ކްރިސްގެ ފާހަގަކޮށްލެވޭ ފިލްމްތަކުގެ ތެރޭގައި "ބެވަލީ ހިލްސް ކޮޕް 2"، "ބޭޑް ކޮމްޕެނީ"، "ދަ ލޯންގަސްޓް ޔާޑް"، "ގްރޯން އަޕްސް"، "މަޑަގަސްކާ"ގެ ތިން ފިލްމު ހިމެނެ އެވެ.