ފުލުހުން ހިންގި އޮޕަރޭޝަނެއްގައި 6.8 ކިލޯގެ މަސްތުވާތަކެއްޗާއެކު 17 މީހަކު ހައްޔަރުކޮށްފި އެވެ.
ކޮމިޝަނާ އޮފް ޕޮލިސް މުހައްމަދު ހަމީދު ވިދާޅުވި ގޮތުގައި މަސްތުވާތަކެތި އަތުލައިގަތީ މިމަހުގެ 22 ވަނަ ދުވަހު ހިންގި އޮޕަރޭޝަނެއްގަ އެވެ.
އޮޕަރޭޝަންގައި މާލެ އާއި ހުޅުމާލޭގެ 10 ތަނެއް ވަނީ ބަލައި ފާސްކޮށްފަ އެވެ.
ހަމީދު ވިދާޅުވި ގޮތުގައި މަސްތުވާތަކެއްޗާއެކު 933،430 ރުފިޔާ ވަނީ އަތުލައިގަނެފަ އެވެ.
އަތުލައިގަތް މަސްތުވާތަކެއްޗަކީ ޑްރަގް ޓްރެފިކްކުރާ ގްރޫޕަކުން އަތުލައިގަތް މަސްތުވާތަކެތި ކަމަށް ހަމީދު ވިދާޅުވި އެވެ.
މައްސަލައިގައި ހައްޔަރު ކުރި މީހުންގެ ވަނަވަރު އަދި ހާމައެއް ނުކުރެ އެވެ.