މިދިޔަ ބުރާސްފަތު ދުވަހު ފުލުހުން ހިންގި އޮޕަރޭޝަނެއްގައި 6.8 ކިލޯގެ މަސްތުވާތަކެއްޗާ އެކު ހައްޔަރުކުރި މީހުންގެ ބަންދަށް 15 ދުވަހާއި 30 ދުވަހުގެ މުއްތަދެއް ޖަހައިފި އެވެ.
ފުލުހުން މައުލޫމާތު ދޭ ގޮތުގައި މި އޮޕަރޭޝަނުގައި މާލެ އާއި ހުޅުމާލޭގެ 10 ތަނެއް ވަނީ ބަލައި ފާސްކޮށްފަ އެވެ. އަދި 17 މީހަކު ވަނީ ހައްޔަރުކޮށްފަ އެވެ.
މައްސަލައާއި ގުޅިގެން ކޮމިޝަނާ އޮފް ޕޮލިސް މުހައްމަދު ހަމީދު ކުރެއްވި ޓްވީޓެއްގައި ވިދާޅުވީ މަސްތުވާތަކެއްޗާއެކު 933،430 ރުފިޔާ ވެސް އަތުލައިގަނެފައިވާ ކަމަށެވެ. އަތުލައިގަތް މަސްތުވާތަކެއްޗަކީ ޑްރަގް ޓްރެފިކް ކުރާ ގްރޫޕަކުން އަތުލައިގަތް މަސްތުވާތަކެތި ކަމަށް ހަމީދު ވިދާޅުވި އެވެ.
މި މައްސަލައިގައި ހައްޔަރުކޮށްފައިވާ 17 އެމީހުންގެ ބަންދާ މެދު ގޮތެއް ނިންމުމަށް އިއްޔެ ކްރިމިނަލް ކޯޓަށް ހާޒިރު ކުރުމުން އެކި މީހުންގެ ބަންދަށް ކޯޓުން ޖަހައިދީފައިވަނީ އެކި ދުވަހެވެ. އެގޮތުން ބަންދުގެ މުއްދަތު ޖެހީ 15 ދުވަހާއި 30 ދުވަހުގެ މުއްތަކަށެވެ.
މިމައްސަލައިގައި ހައްޔަރު ކުރި އެއްވެސް މީހަކު ދޫކޮށްލާފައިވާ ކަމަކަށް ފުލުހުން ނުބުނެ އެވެ. މައްސަލައިގައި ހައްޔަރު ކުރި މީހުންގެ ވަނަވަރު އަދި ފުލުހުން ހާމައެއް ނުކުރެ އެވެ.