ވައިގެ މަގުން ރާއްޖެ އެތެރެކުރަން އުޅުނު ދެ ކިލޯގެ މަސްތުވާތަކެތި އަތުލައިގެންފި އެވެ.
މޯލްޑިވްސް ކަސްޓަމްސް ސާވިސް އިން ބުނީ މި ތަކެތި އަތުލައިގަތީ މިމަހުގެ 24 ވަނަ ދުވަހު ބްރެޒިލްއިން ރާއްޖެ އައި 59 އަހަރުގެ ސްވިޒަލޭންޑް ފިރިހެނެއްގެ އަތުން ކަމަށެވެ.
އޭނާގެ ލަގެޖް ބަލައި ފާސްކޮށްފައިވަނީ އޭނާގެ އަމަލުތައް ހުރިގޮތުން ޝައްކު ކުރެވިގެން ކަމަށް ކަސްޓަމްސް އިން ބުނެ އެވެ.
މި މީހާގެ ލަގެޖުގެ ތެރެއިން މަސްތުވާތަކެތި ކަމަށް ޝައްކު ކުރެވޭ ތަކެތި ފެނުމުން ކަސްޓަމްސްއިން ވަނީ އެތަކެތި ޓެސްޓްކޮށްފަ އެވެ.
ފުރަތަމަ މަރުހަލާގައި އެތަކެތި ކަސްޓަމްސްއިން ޓެސްޓްކުރި އިރު މަސްތުވާތަކެތީގެ ބާވަތެއް ކަމަށްވާ ކޮކެއިންއަށް ޕޮޒިޓިވްވެފައިވާ ކަމަށް ކަސްޓަމްސްއިން ބުނެ އެވެ.
މި މައްސަލައިގައި އަތުލައިގަނެވުނު މަސްތުވާތަކެތީގެ ބަރުދަނުގައި ޖުމްލަ 2.198 ކިލޯ ހުރިއިރު މި ތަކެތީގެ މަގުމަތީ އަގު 7.7 މިލިއަން ރުފިޔާއަށް އަރަ އެވެ.
ކަސްޓަމްސް އިން ވަނީ މި މައްްސަލައިގައި ޝާމިލްވާ މީހާއާއި އަތުލައިގެން މަސްތުވާތަކެތި ފުލުހުންނާ ހަވާލުކޮށްފަ އެވެ.