ވައިގެ ދަތުރުފަތުރުގެ ހިދުމަތްދޭ ގައުމީ އެއާލައިން މޯލްޑިވިއަން އިން މުޅިން އަލަށް ގެންނަ ތިން ބޯޓުގެ ތެރެއިން ދެ ބޯޓު މިއަދު ރާއްޖެއަށް ގެނެސްފި އެވެ.
ވެލާނާ އިންޓަނޭޝަނަލް އެއާޕޯޓުގައި މިއަދު ހަވީރު 4:00 ހާއިރު ދެ ބޯޓު ޖެއްސިއިރު މިރަސްމިއްޔާތުގައި ނައިބް ރައީސް ފައިސަލް ނަސީމު ވެސް ބައިވެރިވެވަޑައިގެންނެވި އެވެ.
އަލަށް ގެނައި ދެ ބޯޓަކީ ފްރާންސުން ގެނައި މުޅިން އާ ދެ ބޯޓެވެ.
އޭޓީއާރް 72600 ބްރޭންޑްގެ މި ދެ ބޯޓަކީ 70 ފަސެންޖަރުންގެ ޖާގައިގެ ދެ ބޯޓެވެ.
މި ދެ ބޯޓު މައިގަނޑު ގޮތެއްގައި ބޭނުންކުރުމަށް ހަމަޖެހިފައިވަނީ އެތެރޭގެ އުދުހުންތަކުގައި ކަމަށް މޯލްޑިވިއަން އިން ބުނެ އެވެ.
ގައުމީ އެއާލައިންގެ ފްލީޓުގައި މިހާރު 50 ފަސެންޖަރުންގެ ޖާގައިގެ ޖުމުލަ އަށް ބޯޓު ހިމެނެ އެވެ. އަދި 37 ފަސެންޖަރުންގެ ސީޓުގެ 2 ބޯޓު ހިމެނެ އެވެ. މީގެ އިތުރުން ޖުމުލަ 11 ސީޕްލޭން އާއި އެއް އެއާބަސް ހިމެނެ އެވެ.