ލޫކަސް ފިލްމްސްގެ "ސްޓާ ވޯޒް" ފްރެންޗައިޒްގެ "ދަ މެންޑަލޯރިއަން"ގެ ތިންވަނަ ސީޒަންގެ ޓްރޭލާ ނެރެފި އެެވެ.
ޖޯން ފެވްރޫ ކްރިއޭޓްކުރި "ދަ މެންޑަލޯރިއަން" ޑިޒްނީ ޕްލަސްގައި ދައްކަން ފަށާފައިވަނީ ނޮވެމްބަރު 2019 ގައެވެ.
މި ސީރީޒްގެ ބޭބީ ޔޯޑާ / ގްރޮގޫ ވަނީ ބެލުންތެރިންގެ މެދުގައި ވަރަށް މަގުބޫލުކަން ހޯދާފަ އެވެ.
ސީޒަން ތިނެއްގައި ދަ މެންޑަލޯރިއަން އާއި ގްރޮގޫގެ ސަފަރު ކުރިއަށްދާއިރު، ކުރީގެ ރަށްޓެހިންނާއި އާ ހަތުރުން ފެންނާނެ އެވެ. އަދި ޕެޑްރޯ ޕަސްކާލް ޑިން ޖަރިން / ދަ މެންޑަލޯރިއަންގެ ގޮތުގައި އަނބުރާ އަންނައިރު، ކޭޓީ ސެކޮފް އާއި ކާލް ވެދާސް އާއި އެމީ ސެޑަރިސް އާއި އެމިލީ ސްވެލޯ އަދި ޖިއަންކާލޯ އެސްޕޮސީޓޯ ވެސް ފެންނާނެ އެވެ.
"ދަ މެންޑަލޯރިއަން" އަށް ސްޕިން-އޮފް ސީރީޒެއް ކަމުގައިވާ "ދަ ބުކް އޮފް ބޯބާ ފެޓް" އާއި ރޮޒާރިއޯ ޑޯސަން އާއެކު ކުރިއަށް ނެރެން މަސައްކަތްކުރާ "އާސޯކާ" ހިމެނެ އެވެ. އަދި "ސްޓާ ވޯޒް" ފްރެންޗައިޒްގެ ރިލީޒްކޮށްފައިވާ ސީރީޒްތަކުގެ ތެރޭގައި "އޯބީ-ވަން ކަނޯބީ" އާއި "އެންޑޯ" ހިމެނޭއިރު "ދަ އެކޮލައިޓް" އާއި "ލެންޑޯ" އަކީ ރިލީޒްކުރުމަށް މަސައްކަތް ކުރަމުންދާ ދެ ސީރީޒް އެވެ.
"ދަ މެންޑަލޯރިއަން" ދައްކަން ފަށާނީ މިއަހަރުގެ މާޗް އެއްވަނަ ދުވަހު އެވެ.