ނިކަލޯޑިއަންގެ "ޕޯ ޕެޓްރޯލް" އަކީ ކުޑަކުދިންގެ މެދުގައި ވަރަށް މަގުބޫލު ޝޯ އެކެވެ.
"ޕޯ ޕެޓްރޯލް"ގެ 10 ވަނަ އަހަރީ ދުވަސް ފާހަގަކުރުމުގެ ގޮތުން މި ޝޯގެ ދެވަނަ ފިލްމް "ޕޯ ޕެޓްރޯލް: ދަ މައިޓީ މޫވީ" ނެރުމުގެ އިތުރުން، މި ޝޯގެ ކެރެކްޓާތަކުގެ ތެރެއިން ރަބަލް އަށް ހާއްސަކޮށް، "ރަބަލް އެންޑް ކްރޫ"ގެ ނަމުގައި ސްޕިން-އޮފް ސީރީޒެއް ނެރެން ހަމަޖެހިފައިވާ ކަމަށް އިއުލާންކޮށްފި އެވެ.
"ރަބަލް އެންޑް ކްރޫ" ގައި ސަމާލުކަން ދޭނީ އިންގްލިޝް ބުލް ޑޯގެއް ކަމުގައިވާ ރަބަލްއަށާއި އޭނާގެ ކޮންސްޓްރަކްޝަން ވޯކާ ޕަޕް ފެމިލީ އަށެވެ.
"ޕޯ ޕެޓްރޯލް" ގައި ރައިޑާ އޭނާގެ ހަ ޕަޕްސްގެ އެހީގައި އެޑްވެންޗާ ބޭގެ އެކި ޖަނަވާރާއި މީހުން ރެސްކިއު ކުރުމަށް ސަމާލުކަންދޭ އިރު، "ރަބަލް އެންޑް ކްރޫ" މިއާ ތަފާތުވީ ނަމަވެސް، ރަހްމަތްތެރިކަމާއި ޓީމްވޯކަކީވެސް މި ދެ ޝޯގައި ގެނެސްދޭނެ ތީމެކެވެ.
މި ޝޯގެ ކްރިއޭޓާ ކީތް ޗެޕްމަން ބުނީ "ޕޯ ޕެޓްރޯލް" އަކީ ނިކް ޖޫނިއާ، ޕެރެމައުންޓް ޕްލަސް އަދ ނެޓްފްލިކްސްގައި ކުޑަކުދިންގެ ޝޯތަކުގެ ތެރެއިން އެންމެ ކުރީގައި އުޅޭ ޝޯ ކަމަށެވެ. އަދި އަންނަ އޮކްޓޯބަރު މަހު މި ޝޯގެ ދެވަނަ ފިލްމު ރިލީޒްކުރުމުން، ފުރަތަމަ ފިލްމުގެ 150 މިލިއަން ޑޮލަރުން ބޮކްސް އޮފިސް ފައިދާ އާއި ޓޮޕް-ސެލިން އަދި އެވޯޑް ލިބިފައިވާ ޓޯއި ލައިނުން ދޭހަކޮށްދޭ ކަމަކީ ބްރޭންޑަކުން އިންޑަސްޓްރީގެ އެކި އަޑި-އުސްތައް ކަޑައްތުކޮށް، އެކި ވާދަވެރި މީޑިއަމްތައް މެދުވެރިކޮށް އޯޑިއަންސާ ހިސާބަށް ހިނގައިދާނެކަމެވެ.
"ރަބަލް އެންޑް ކްރޫ"ގެ ފުރަތަމަ އެޕިސޯޑް އިއްޔެ ބަނީ ރިލީޒްކޮށްފަ އެވެ.