މާލޭގެ ގެއެއްގެ ބެލްކަނިން ބައެއް ވެއްޓި އެގެއަށް ވައްކަންކުރަން ވައިން މީހަކަށް އަނިޔާވެއްޖެ އެވެ.
މާފަންނުގައި ހުރި ގެއެއްގެ ބެލްކަންޏާއިއެކު މީހަކު ވެއްޓިގެން ފުލުހުންނަށް ރިޕޯޓުކޮށްފައިވަނީ ރޭ 11:29 ހާއިރު އެވެ.
ބެލްކަނި ވެއްޓުނީ އޭނާ ވައްކަން ކުރުމަށްޓަކައި އެގެއަށް ވައިން މީހާ ފުންމާލުމުގެ ތެރޭގައި ކަމަށް ފުލުހުން މައުލޫމާތުދެ އެވެ.
މި ހާދިސާގައި އަނިޔާވި މީހާއަށް އަންނަނީ އައިޖީއެމްއެޗްގައި ފަރުވާދެމުންނެވެ.
ފުލުހުން އަންނަނީ މި މައްސަލަ އިތުރަށް ތަހުގީގު ކުރަމުންނެވެ.