ތ. ބުރުނީގައި ހިނގި ނުރައްކާތެރި ހާދިސާއެއްގައި ބިދޭސީއަކު މަރުވެއްޖެ އެވެ.
އަވަސް އަށް މައުލޫމާތު ދެއްވަމުން ބުރުނީގެ ކައުންސިލަރު ހައްވާ ފަރީޝާން ވިދާޅުވީ މިއަދު އެރަށުގައި ހިނގި ނުރައްކާތެރި ހާދިސާއެއްގައި ޒަހަމްވީ ބިދޭސީއަކު އިތުރު ފަރުވާއަށް މިއަދު ދ. ކުޑަހުވަދޫ ހޮސްޕިޓަލަށް ގެންދިޔަ ފަހުން މަރުވެފައިވާ ކަމަށެވެ.
މަރުވެފައިވަނީ ބުރުނީ ގިރާ ސަރަހައްދު ހިމާޔަތްކުރުމުގެ މަސައްކަތް ކުރުމަށް އެރަށަށް ގޮސް ހުރި އެމްޓީސީސީގެ އިންޑިއާގެ މުވައްޒަފެއް ކަމަށް އެނގިފައިވެ އެވެ.
ފުލުހުން ބުނީ މަރުވި މީހާގެ އިތުރުން އިތުރު ތިން މީހަކު ޒަހަމްވެފައިވާ ކަމަށާއި އޭގެ ތެރެއިން ދެ މީހުންގެ ހާލު ސީރިއަސް ކަމަށް މައުލޫމާތު ލިބޭ ކަމަަށެވެ. އަދި މަރުވި މީހާއާއި އަނިޔާވި ތިން މީހުން މާލެ ގެނައުމުގެ މަސައްކަތް ކުރަމުންދާ ކަމަށްވެސް ފުލުހުން ބުންޏެވެ. ޒަހަމްވި އެންމެންނަކީ ވެސް ބިދޭސީންނެވެ.
"މިހާދިސާއާއި ގުޅިގެން ފުލުހުން އިތުރަށް ބަލަންޖެހޭ ކަންކަން ދަނީ ބަލަމުން،" ފުލުހުން މީޑިއާ އަށް ފޮނުވި މެސެޖެއްގައި ބުނެފައިވެ އެވެ.
ނަން ނުޖެހުމަށް ޝަރުތުކޮށް ބުރުނީގެ އިތުރު ކައުންސިލަރަކު ވިދާޅުވީ މިހާދިސާ ހިނގީ އަމިއްލަ މީހެއްގެ ގޭގައި ހުރީ ރުށްތަކެއް ނެގުމަށްފަހު ހައިމާކުގެ ދަތްގަނޑެއްގައި ހުރި ރުށްތަކެއް ބިދޭސީ މީހާގެ ގައިމައްޗަށް ވެއްޓި ލިބުނު އަނިޔާތަކަށް ފަރުވާ ދެމުން ދަނިކޮށް ކަމަށެވެ.
"ސީދާ ލިބުނު އަނިޔާތަކުގެ ތަފްސީލެއް އެހާ ބޮޑަކަށް ނޭނގޭ. އެކަމަކު ރުކެއް ދަށުވި ކަމަށް ރަށުގެ ބައެއް މީހުން ބުނަނީ،" ކައުންސިލަރު ވިދާޅުވި އެވެ.
މިހާދިސާ އާއި ގުޅިގެން އެމްޓީސީސީގެ ބަހެއް އަދި ލިބޭ ގޮތެއް ނުވެ އެެވެ.