ހުޅުމާލޭގައި އެޑިއުކޭޝަނަލް އިންސްޓިޓިއުޓެއް ބިނާކުރުމަށް އަލް މަދީނާ އިންވެސްޓްމެންޓް ޕްރައިވެޓް ލިމިޓެޑާއެކު ފްރޭމްވޯކް އެއްބަސްވުމެއްގައި އާބަންކޯއިން މިއަދު ސޮއިކޮށްފި އެވެ.
މި އެއްބަސްވުމުގައި އާބަންކޯގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަހުމަދު އާތިފެވެ. އަދި އަލް މަދީނާގެ ފަރާތުން ސޮއިކުރެއްވީ އެ ކުންފުނީގެ ސީއީއޯ އަލީ އަހްސަން އެވެ.
އާބަންކޯ އިން ބުނި ގޮތުގައި މި އެއްބަސްވުމުގެ ދަށުން އިންސްޓިޓިއުޓް ބިނާ ކުރެވޭނީ ހުޅުމާލޭގެ ފުރަތަމަ ފިޔަވަހީގަ އެވެ.
ހުޅުމާލޭގެ ފުރަތަމަ ފިޔަވަހީގައި ސަރުކާރުގެ ތިން ސްކޫލަކާއި ސަރުކާރުން ހިންގާ ޕްރީ ސްކޫލެއް ހުރެ އެވެ.
މީގެ އިތުރުން ހުޅުމާލޭގައި އަމިއްލަ ކުންފުނިތަކުން ހިންގާ ސްކޫލުތައްވެސް ހުރެ އެވެ.
ހުޅުމާލޭގެ ދެ ވަނަ ފިޔަވަހީގައި ހުންނަނީ ސަރުކާރުގެ އެންމެ ސްކޫލެކެވެ.