އެކްޓަރު ޖޯން ހޭމް، 52، އާއި އެކްޓްރެސް އަނާ އޮސިއޯލާ، 35، ކައިވެނިކޮށްފި އެވެ.
މި ދެ ލޯބިވެރިން ކައިވެނިކުރީ ޖޫން 24، 2023 ގައި ކެލިފޯނިއާގެ ބިގް ސާގެ އެންޑާސަން ކެންޔަން ގައެވެ. މިއީ "މޭޑް މެން"ގެ ފިނާލޭ ޝޫޓްކުރި ތަނެވެ.
ޖޯން އާއި އަނާގެ ކައިވެނީގެ ހަފްލާގައި 100 އަށް ވުރެ މަދު މެހެމާނުން ބައިވެރިވެފައިވާއިރު، މީގެތެރޭގައި ބިލީ ކްރޫޑްއަޕް އާއި އަންހެނުން ނައޯމީ ވޮޓްސް، ޕޯލް ރަޑް، ޖޯން ސްލެޓަރީ، ބްރޫކް ޝީލްޑްސް އަދި ޓީނާ ފޭ ފަދަ ސެލެބްރިޓީން ހިމެނެ އެވެ.
ކައިވެންޏަށް އަނާ ލައިގެން ހުރީ ހުދުކުލައިގެ ސްޓްރެޕްލެސް އޭ ލައިން ވެޑިން ޑްރެސް އެކެވެ. އަދި ޖޯން ހުރީ ކަޅުކުލައިގެ ޓަކްސީޑޯއެއް ލައިގެންނެވެ. އަނާ ވަނީ ކައިވެނީގެ ރިސެޕްޝަނަށް ގަދަ ނޫ ކުލައިގެ ގައުން އަކަށް ބަދަލުކޮށްފަ އެވެ.
މި ދެމަފިރިން 2015 ގައި"މޭޑް މެން"ގެ ސެޓުން ދިމާވެފައިވާއިރު، ލޯބީގެ ގޮތުން ގުޅިފައިވަނީ 2020 ގައެވެ. އޭގެ ފަހުން ރެޑް ކާޕެޓް މަތިންނާއި ބޭރު ތެރޭގައި އެކުގައި ފެނިފައިވެ އެވެ. އަދި މިދިޔަ ފެބްރުއަރީ މަހު ޖޯން އާއި އަނާ އެންގޭޖްވެފައިވެ އެވެ.
މިއީ ޖޯން އަދި އަނާގެ ވެސް އަލަތު ކައިވެންޏެވެ. މީގެ ކުރިން ޖޯން ވަނީ ޖެނިފާ ވެސްޓްފެލްޓްއާ އެކު 18 އަހަރުގެ ލޯބީގެ ގުޅުމެއް ބާއްވާފަ އެވެ.