ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހުގެ ސްޕެޝަލް އެޑްވައިޒަރުގެ މަގާމުން މުހައްމަދު ޝިހާބު މިއަދު އިސްތިއުފާ ދެއްވައިފި އެވެ.
ރައީސް އޮފީހުގެ އޮފިޝަލަކު ވިދާޅުވީ ޝިހާބުގެ އިސްތިއުފާގެ ސިޓީ މިއަދު ލިބިވަޑައިގެންފައިވާ ކަމަށެވެ. ޝިހާބު އިސްތިއުފާ ދެއްވި ސަބަބެއް އޮފިޝަލް ވިދާޅެއް ނުވެ އެވެ.
ރައީސް ސޯލިހުގެ އެޑްވައިޒަރަކަށް ޝިހާބު އައްޔަންކުރެއްވީ އޮކްޓޫބަރު 15، 2019 ގަ އެވެ.
ޝިހާބު ވަނީ ރައްޔިތުންގެ މަޖިލީހުގެ ރައީސްކަން ކުރައްވާފަ އެވެ.
މީގެ އިތުރުން ޝިހާބު ވަނީ ހޯމް މިނިސްޓަރުކަމާއި މާލޭގެ މޭޔަރުގެ މަގާމު އަދާކުރައްވާފަ އެވެ.