މުސްކުޅި އުމުރުގައި ފާޑުކިޔުންތައް މަދުވެ، އިހުތިރާމް ލިބޭވަރު އިތުރުވެފައިވާ ކަމަށް ބޮލީވުޑް ތަޖުރިބާކާރު އެކްޓަރު އަމީތާބް ބައްޗަށް ބުނެފި އެވެ.
ކެރިއަރުގައި 190 އަށް ވުރެ ގިނަ ފިލްމު ކުޅެފައިވާ އަމީތާބް ވަނީ އޭނާގެ ހަޔާތުގެ ފަހު އަހަރުތަކަށް ދިޔުމުން ލިބެމުން ދިޔަ ފާޑުކިޔުންތައް ބަދަލުވަމުންދާ ގޮތާ ބެހޭ ގޮތުން ވާހަކަ ދައްކާފަ އެވެ. އޭނާއަށް އަމާޒުކުރި ފާޑުކިޔުންތައް ވަގުތު ފާއިތުވަމުން ދިޔަ ވަރަކަށް މަޑުމަޑުން ފަނޑުވަމުން ދިޔަ ގޮތާ ބެހޭ ގޮތުން އޭނާގެ ވިސްނުންތައް ފާޅުކުރީ ހިތްދަތި ބްލޮގް އެންޓްރީއެއްގަ އެވެ.
އަމީތާބުގެ 81 ވަނަ އުފަންދުވަސް އޮކްޓޯބަރު މަހު ފާހަގަކުރާއިރު ދާދި ފަހުން ލިޔުނު ބްލޮގުގައި އޭނާ ވަނީ މިދިޔަ އަހަރުތަކުގައި ކުރިމަތިވެފައިވާ ފާޑުކިޔުންތަކާއި އޭގެ ފަހުން އެކަން ފަނޑުވެފައިވާ ގޮތާ މެދު އޭނާގެ ޚިޔާލުތައް ހިއްސާކޮށްފަ އެވެ.
"މީގެ އިތުރުން ކުރިން ނުކުރެވިދާނެ މައްސަލަތަކަށް ހައްލެއް ހޯދައި ފާޅުކުރުމުގެ ހިތްވަރު އުފެދިއްޖެ. މިބިރުވެރިކަން ވަނީ ކުރިން އަޑުއިވިފައި ނުވާ ކަންކަމަށް އަޑުއަހާ މަރުހަލާއަކަށް އަރާފައި،" އަމީތާބް ބުނެފައިވެ އެވެ.
އަމީތާބް ބައްޗަންގެ ގިނަ ފިލްމުތަކެއް ކުރިއަށްވެސް އެބަހުއްޓެވެ. އެގޮތުން އެންމެ މުހިއްމު ޕްރޮޖެކްޓަކީ މިއަހަރު ބާއްވާ މަޝްހޫރު ސެން ޑިއޭގޯ ކޮމިކް ކޮންގައި ޕްރިމިއާކުރާ އިންޑިއާގެ ފުރަތަމަ ފިލްމު ކަމަށްވާ ނާގް އަޝްވިންގެ ޕްރޮޖެކްޓެވެ.