ރައްޔިތުންގެ މަޖިލީހުގެ ރައީސް މުހައްމަދު ނަޝީދު ނުރަސްމީ ދަތުރުފުޅެއްގައި ސްރީލަންކާއަށް ވަޑައިގެންފި އެވެ.
ރައްޔިތުންގެ މަޖިލީހުގެ އިދާރާ އިން ބުނީ ރައީސް ނަޝީދުގެ މިދަތުރުފުޅަކީ އަމިއްލަ ދަތުރުފުޅެއް ކަމަށެވެ.
އެހެންކަމުން ރައީސް ނަޝީދު ލަންކާއަށް ވަޑައިގެންނެވި ސީދާ ވަކި ސަބަބެއް އެނގިފައެއް ނުވެ އެވެ.
ރައީސް ނަޝީދު ލަންކާއަށް ވަޑައިގެންފައި މިވަނީ ރިޔާސީ އިންތިހާބުގެ ކެމްޕޭންގެ ފޯރި ވަރަށް ގަދަވެފައިވާ ވަގުތެއްގަ އެވެ. ނަމަވެސް އެމަނިކުފާނުގެ މިހާރުގެ ޕާޓީ -- ދަ ޑިމޮކްރެޓްސްގެ ރިޔާސީ ޕްރައިމަރީގައި ވާދައެއް ނުކުރައްވަ އެވެ.
ރައީސް ނަޝީދު ގެންދަވަނީ އިދިކޮޅު ފަރާތްތަކާ ގުޅިގެން ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހްގެ ވެރިކަމާ ދެކޮޅަށް މަސައްކަތް ކުރައްވަމުންނެވެ.