ހެޕީމާކެޓުން އެތެރެކޮށް ވިއްކާ ސިއަރާ ބްރޭންޑްގެ މެރިނޭޓެޑް ކުކުޅުގެ އާ ރަހައެއް ތައާރަފުކޮށްފި އެވެ.
ހެޕީމާކެޓުން ތައާރަފުކުރީ ސިއަރާ ޝަވާޔާ ހޮޓް ކަރީ ފްލޭވާގެ މެރިނޭޓެޑް ކުކުޅެވެ. މިއީ އިތުރު މެރިނޭޝަނެއް ބޭނުންނުވާ، ޕެކެޓްއިން ނަގާ ގޮތަށް ފޮއިލްއަށްލާފައި އަވަނަށް ލައިގެން ފަސޭހައިން ފިހެލެވޭ ކުކުޅެއް ކަމަށް ހެޕީމާކެޓުން ބުނެ އެވެ. މި ފްލޭވާގެ 1،100ގ ގެ ކުކުޅު ހެޕީމާކެޓްގެ ފިހާރަތަކުން ލިބޭނެ އެވެ.
ސިއަރާ މެރިނޭޓެޑް ޗިކަން އަވަނުގައި ތައްޔާރުކުރުމަށް ކުކުޅު ޕެކެޓްއިން ނަގާ ގޮތަށް، ފޮއިލްއަށްލާފައި، ބޭކިން ޓްރޭއަކަށްލުމަށްފަހު، 180 ޑިގްރީ ސެލްސިއަސްގައި ޕްރީ ހީޓްކޮށްފައިވާ އަވަނެއްގައި، އެއް ގަޑިއިރާއި 45 މިނެޓް ފިހެލާނީ އެވެ. އަދި ފޮއިލް އިން ނެގުމަށްފަހު އަވަންގައި އިތުރު 45 މިނެޓް ވަންދެން ނުވަތަ ކުކުޅުގެ ބޭރަށް މުށި ކުލަ އަރަންދެން ފިހެލާނީ އެވެ.
ފިނިކަން ކަނޑުވާފައިވާ މެރިނޭޓެޑް ޗިކަން ބޭނުންކުރާނަމަ 200 ޑިގްރީ ސެލްސިއަސްގައި ޕްރީ ހީޓް ކޮށްފައިވާ އަވަނެއްގައި އެއް ގަޑިއިރާއި 30 މިނެޓް ވަންދެން ފިހާނީ އެވެ.
މެރިނޭޓެޑް ޗިކަން އެއާ ފްރަޔާގައި ތައްޔާރުކުރުމަށް ކުކުޅު ޕެކެޓްއިން ނަގާ ގޮތަށް، 140 ޑިގްރީ ސެލްސިއަސްގައި ޕްރީ ހީޓްކުރެވިގައިވާ އެއާ ފްރަޔާއަކަށް، ޗިކަން ބްރެސްޓް ފަޅި އަޑިއަށްވާ ގޮތަށްލުމަށްފަހު، 45 މިނެޓް ވަންދެން ފިހަންޖެހެ އެވެ. ދެން ކުކުޅު އަނެއް ފުށަށްޖަހާފައި އިތުރު 45 މިނެޓް ފިހެލުމަށްފަހު އެއަށްފަހު އެއާ ފްރަޔާ ތެރޭގައި ޖަމާވެފައިވާ ދިޔަތައް އުކާލާފައި ކުކުޅުގެ ދެފަޅީގައި ޅިޔަ އަޅާފައި އިތުރު ފަސް މިނެޓް ނުވަތަ 10 މިނެޓް ފިހެލާނީ އެވެ.
ފިނިކަން ކަނޑުވާފައިވާ މެރިނޭޓެޑް ޗިކަން ބޭނުންކުރާ ނަމަ، 140 ޑިގްރީ ސެލްސިއަސްގައި 30 މިނެޓް ވަންދެން ކޮންމެ ފަޅިއެއް ފިހަން ޖެހޭނެ އެވެ. އަވަން ނުވަތަ އެއާ ފްރަޔާ ނެތްނަމަ ބޮޑު ތެއްޔެއްގެ ތެރެއަށް ކުކުޅު ލާފައި މަތިޖަހައިގެން އުނދުން މަތީގައި މަޑުގިނީގައި ފިހެލެވޭނެ އެވެ.
މިއީ ހުކުރު ދުވަސް ފަދަ ހާއްސަ ކެއުންތައް ތައްޔާރު ކުރާ ދުވަސްތަކުގައި ނުވަތަ ކުކުޅެއް ފިހެލައިގެން ކާން ބޭނުންވާ ކޮންމެ ވަގުތެއްގައިވެސް ފަސޭހައިން ތައްޔާރު ކޮށްލެވޭނެ، ދިވެހިންނަށް ކަމުދާނެ ރަހަތަކެއްގެ މެރިނޭޓެޑް ކުކުޅެއް ކަމަށް ހެޕީމާކެޓުން ބުނެ އެވެ.
ހެޕީ މާކެޓުން ބުނި ގޮތުގައި މި ކުކުޅަކީ ފްރައިޑް ރައިސް ނުވަތަ ގާލިކް ރައިސް، ފަރާޓާ އަދި ރޮއްޓާއި އެއްކޮށްކާން ވަރަށް ކަމުދާނެ ކުކުޅެކެވެ.
ސިއަރާ މެރިނޭޓެޑް ޗިކަން ހެޕީމާކެޓްގެ މާލެ، ހުޅުމާލެ، ވިލިމާލެ ފިހާރަތަކުން ހޯލްސޭލްކޮށް އަދި ރީޓެއިލްކޮށް ލިބޭނެ އެވެ.