ފުލުހުން ތަހުގީގު ކުރަމުންދާ މައްސަލައަކާ ގުޅިގެން އުޅޭ ވަކި ތަނެއް އެނގިފައި ނުވާތީ މަޝްހޫރު ނެށުންތެރިޔާ އަލި ޝާހިދު (ސްޓެޕް އައްޔަ) ފުލުހުންގެ އިދާރާއަށް ހާޒިރުވާން އަންގައިފި އެވެ.
އައްޔަ ހޯދަނީ ފުލުހުންގެ އިކޮނޮމިކް ކްރައިމް ޑިޕާޓްމަންޓުން ބަލަމުންދާ ފޯޖަރީގެ މައްސަލައެއްގެ ތަހުގީގަށެވެ.
ފުލުހުން ބުނީ އައްޔަ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާ ކަމަށެވެ.
ފުލުހަށް ހާޒިރުވުމަށް އައްޔައަށް އަންގާފައިވަނީ މިމަހުގެ 24 ވަނަ ދުވަހުގެ ހެނދުނު 11:30ގައި ސާޖަންޓް އާދަމް ހަލީމް ކްރިމިނަލް އިންވެސްޓިގޭޝަން ބިލްޑިން އަށެވެ.