ސިނަމާލެ ޕާކިން ޒޯނުގައި އޮތް ކާރެއްގައި ރޯކޮށްލި މައްސަލައިގައި ހައްޔަރު ކުރި ދެ މީހުންގެ ބަންދުގެ މުއްދަތު އިތުރުކޮށްފި އެވެ.
މިމައްސަލައިގައި ހައްޔަރުކޮށްފައިވަނީ މ. އަރާރަތްކުރި، އުމުރުން 35 އަހަރުގެ ހާލިދު މަހްމޫދު އާއި، އދ. މާމިގިލި، ބްލޫވިންޑް، އުމުރުން 31 އަހަރުގެ ހަސަން ނަސީމް އެވެ.
މި ދެ މީހުން ސައިކަލްތަކުގައި ރޯކޮށްލި ކަމަށް ފުލުހުން ތުހުމަތުކޮށްފައިވަނީ މިދިޔަ ނޮވެމްބަރު 25 ވަނަ ދުވަހުގެ ރެ އެވެ.
މި ދެ މީހުން ހައްޔަރުކޮށް އެންމެ ފުރަތަމަ ކޯޓުން ދިން 15 ދުވަހުގެ ބަންދުގެ މުއްދަތު ހަމަވާތީ އަލުން ކޯޓަށް ހާޒިރުކުރުމުންވެސް މި ދެ މީހުންގެ ބަންދަށް ދީފައިވަނީ 15 ދުވަހެވެ.
އެނގިފައިވާ ގޮތުގައި ބުރުޒުމަގު ސިނަމާލެ ޕާކިން ޒޯނުގައި އޮތް މިކާރުގައި ރޯކޮށްލާފައިވަނީ ދެ ގްރޫޕެއްގެ މެދުގައި ހިންގި ހަމަނުޖެހުމަކާ ގުޅިގެން ބަދަލު ހިފުމަށެވެ.