ނެޝަނަލް ކައުންޓަ ޓެރަރިޒަމް ސެންޓަ (އެންސީޓީސީ)ގެ ޑިރެކްޓާ ޖެނަރަލްގެ މަގާމަށް މޭޖާ ޖެނަރަލް ރިޓަޔާޑް ވައިސް ވަހީދު ހަމަޖައްސައިފި އެވެ
އެންސީޓީސީގެ ޑިރެކްޓާ ޖެނަރަލްގެ މަގާމަށް ވައިސް ވަހީދު ހަމަޖެއްސި ވަކި ދުވަހެއް އެނގިފައެއް ނުވެ އެވެ.
ވައިސް ވަހީދު ސިފައިންގެ ހިދުމަތުގައި 34 އަހަރު މަސައްކަތް ކުރެއްވުމަށްފަހު ރިޓާޔާ ކުރެއްވީ މިހިނގާ ޑިސެމްބަރު މަހުގެ 12 ވަނަ ދުވަހު އެވެ.
އެންސީޓީސީގެ ވެރިޔަކަށް އެންމެ ފަހުން ހުންނެވީ ޑިސެމްބަރު 9، 2021 ގައި ސިފައިންގެ ހިދުމަތުން 37 އަހަރަށްފަހު ރިޓަޔާ ކުރެއްވި ޒަކަރިއްޔާ މަންސޫރު އެވެ.
ޒަކަރިއްޔާ މަގާމުން ވަކިކޮށްފައިވަނީ ރައީސް ޑރ. މުހައްމަދު މުއިއްޒު ވެރިކަމާ ހަވާލުވެވަޑައިގެންނެވި ދުވަހު މިދިޔަ ނޮވެމްބަރު 17 ވަނަ ދުވަހު އެވެ.
ޑިފެންސް މިނިސްޓްރީގެ ދަށުން ހިންގަމުންދާ އެންސީޓީސީގެ މަސްއޫލިއްޔަތުތަކުގެ ތެރޭގައި ހިމެނެނީ ޓެރަރިޒަމްގެ މައްސަލަތައް ބަލައި އެކަމާ ދެކޮޅަށް އަޅަންޖެހޭ ފިޔަވަޅުތައް އެޅުމެވެ.
