އެމެރިކާގެ ރިޔާސީ ރޭހުގައި ބައިވެރިވުމަށް ރިޕަބްލިކަން ޕާޓީން މިހާރު ކުރިއަށް ގެންދާ ޕްރައިމަރީގައި އަނެއްކާވެސް މަޝްހޫރު ބިލިއަނަރު ޑޮނަލްޑް ޓްރަމްޕް އިތުރު ކުރިއެރުމެއް ހޯދައިފި އެވެ. ނެވެޑާ ސްޓޭޓްގައި ކުރިއަށްގެންދިޔަ ޕްރައިމަރީގެ ނަތީޖާ ދައްކާ ގޮތުން ވޯޓުލީ މީހުންގެ 44 ޕަސެންޓް މީހުންގެ އަގުލަބިއްޔަތު ޓްރަމްޕްއަށް ލިބިފައިވެ އެވެ. އަދި 30 ޕަސެންޓް މާކޯ ރޫބިއޯ އަށް ލިބުނު އިރު ޓެޑް ކްރޫޒްއަށް ލިބިވަޑައިގެންނެވޯ 16 ޕަސަންޓެވެ.
ރިޕޯޓުތައް ބުނާ ގޮތުން ބޮޑު ތަފާތަކާއެކީ ޑޮނަލްޑް ޓްރަމްޕް ރިޔާސީ ރޭހަށް ނުކުންނަވާނެ އެވެ.
"މީހުން ކިޔާހާ އެއްޗެއްސަށް ބަލައިގެން އުޅެންވެއްޖިއްޔާ އިންތިހާބު ކާމިޔާބެއް ނުކުރެވޭނެ. މިހާރު އަހަރުމެންނަށް އިންތިހާބު ކާމިޔާބު ކުރެވެނީ މި،" ލަސް ވެގަސް ގެ ޕްރައިމަރީ ކާމިޔާބު ކުރެވުމުން ވާހަކަ ދައްކަވަމުން ޓްރަމްޕް ވިދާޅުވެފައިވެ އެވެ.
ނެވެޑާގެ ކާމިޔާބަށްފަހު ޓްރަމްޕްވަނީ އޭނާގެ ބައެއް ސިޔާސަތުތައް ވެސް އިއުލާނުކޮށްފަ އެވެ. އެގޮތުން ބަންދު ކުރަން ނިންމާފައިވާ ގުއަންޓަނާމޯ ބޭ ޖަލު ހުޅުވާނެ ކަމަށް ވިދާޅުވި އެވެ. އަދި އެމެރިކާގެ ދެކުނު ބޯޑަރުގައި ފާރެއް ރާނާނެ ކަންވެސް އިއުލާނު ކުރެއްވި އެވެ.
ރިޕަބްލިކަން ޕާޓީގެ ފަރާތުން ޕްރައިމަރީގައި ވާދަ ކުރެއްވި އަނެއް ކެނޑިޑޭޓް ޖެބް ބުޝްވަނީ ޕްރައިމަރީތަކުގައި މާބޮޑު ކާމިޔާބީތަކެއް ނުލިބޭތީ ރިޔާސީ ރޭހުން ވަކިވެވަޑައިގެންފަ އެވެ.
ޑޮނަލްޑް ޓްރަމްޕް: ވޯޓުލީ މީހުންގެ 44 ޕަސަންޓު މީހުންގެ އަގުލަބިއްޔަތު ޓްރަމްޕްއަށް ލިބިފައިވޭ --