ކުރީގެ ބައެއް މެންބަރުންނާ އެކު ޕީޕީއެމް ޕީއެންސީގެ ޓިކެޓް ލިބޭ ބޭފުޅުން ކަށަވަރުވެއްޖެ

ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި ކުރީގެ މަޖިލިސް މެންބަރުންތަކެއް މިއަދު ބޭއްވި ޕީޕީއެމް ޕީއެންސީގެ ޕްރައިމަރީގައި ވާދަކުރައްވައި ޓިކެޓް ކަށަވަރުކުރައްވައިފި އެވެ.

ޕީޕީއެމް ޕީއެންސީގެ ޕްރައިމަރީ މިއަދު ހެނދުނު 8:00 އިން ހަވީރު 5:00 އަށް ކުރިއަށް ދިޔައިރު ޕްރައިމަރީގައި 283 ކެންޑިޑޭޓުން ވާދަކުރި އެވެ.

ޕްރައިމަރީ 73 ދާއިރާއެއްގައި ކުރިއަށް ދިޔައިރު މި ޕްރައިމަރީގައި ޖުމްލަ 277 ވޯޓް ފޮށި ބަހައްޓާފައިވެ އެވެ. މިޕްރައިމަރީގައި 71،597 މީހުންނަށް ވޯޓު ލުމުގެ ހައްގު ލިބުނެވެ.

ޕްރައިމަރީއަށްފަހު ޕީޕީއެމް ޕީއެންސީގެ ޓިކެޓް ކަށަވަރު ކުރެއްވި ބޭފުޅުން:

ޕީޕީއެމް ޕީއެންސީ އިން ކުރިން ވަނީ އެއް ބޭފުޅަކު ކުރިމަތިލި ބައެއް ދާއިރާތަކުގެ ޓިކެޓް ޕްރައިމަރީއަކާ ނުލައި ކަށަވަރުވި ބޭފުޅުންނަށް ޓިކެޓް ލިބުނުކަން އަންގާފަ އެވެ.

ޕީއެންސީގެ ރައީސް އަދި ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު ވިދާޅުވީ އެމަނިކުފާނު އަމާޒަކީ ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި 62 ގޮނޑި ކާމިޔާބުކޮށް މަޖިލީހުގެ ސުޕަ މެޖޯރިޓީ ހޯދުމެވެ.

ރައްޔިތުންގެ މަޖިލީހުގެ އިންތިހާބުގައި ވޯޓުލުން ކުރިއަށްދާނީ މިއަހަރުގެ މާޗް 17 ވަނަ ދުވަހު އެވެ.